Berat, alarm per ndotjen e guroreve
BERAT - Prefekti i qarkut te Beratit paralajmeron me ndeshkime administrative dhe penale firmat private te shfrytezimit te gurit dhe te guroreve. Ne nje takim te thirrur nga kreu vendor, Bujar Hoxha, kane qene te pranishem rreth 40 biznesmene qe zoterojne punishtet e nxjerrjes se pllakave te gurit ne zonen e Skraparit dhe te guroreve ne Uren Vajgurore. Shkak eshte bere niveli i larte i ndotjes se ambientit ne kete zone, rritja e semundshmerise tek banoret e fshatrave afer guroreve dhe mungesa e pajisjeve bashkekohore, filtrave qe minimizojne ndotjen. Per situaten e krijuar kane depozituar ne prefekture ankesa banore te fshatrave te Skraparit dhe Policanit, si dhe te qytezes se Ures Vajgurore ne rrethin e Beratit, ku ndodhen te pakten 30 firma guroresh.
Gjate takimit, prefekti Hoxha u njoh me situaten, aktivitetin dhe u beri me dije pronareve te firmave per gjendjen alarmante. Me te prekura rezultojne zonat e fshatrave perreth malit te Tomorit dhe ato te Gurit te Bardhe. Madje, prefekti u ka lene nje afat disa javor firmave, ne menyre qe te marrin masat e nevojshme per blerjen e pajisjeve dhe filtrave, me qellim uljen e nivelit te ndotjes. “Ne te kundert do te perballeni me masa ndeshkimore ligjore, nese grupet e kontrollit konstatojne shkelje”, paralajmeroi Hoxha. Kreu i prefektures ka bere me dije se se shpejti do te organizoje edhe nje takim tjeter me biznesmenet dhe specialistet, qe te gjenden rrugezgjidhjet ne rast te hasjes se problemeve. Kurse per zonen e Tomorit pritet te gjendet nje zgjidhje e ndermjetme per te rehabilituar zonen e demtuar nga nxjerrja e gurit dekorativ, qe mund te shkaktoje ne te ardhmen erozion me pasoja tragjike.
Ne rast se nuk plotesojne kriteret, shume prej firmave rrezikojne te nderpresin aktivitetin, t’u hiqet leja e shfrytezimit dhe masa te tjera administrative. Sipas prefektit Hoxha, ne Uren Vajgurore kryejne aktivitet 30 firma private qe nuk shmangin ndotjen e ambientit pas shfrytezimit te guroreve. “Ne si prefekture kemi dhe mbeshtetjen e qeverise dhe te ministrive dhe shume shpejt zona e Tomorit do te shpallet zone e mbrojtur”, eshte shprehur prefekti Hoxha.
Paralajmerimet e meparshme dhe tolerimet
Edhe me pare firmat private te shfrytezimit te gurit ne malin e Tomorit apo te guroreve ne Uren Vajgurore jane paralajmeruar me masa ndeshkimore per shkak te kushteve te sigurise, ndotjes se madhe ne zone dhe mungeses se filtrave. Kete here prefektura e Beratit ka vendosur te mos i toleroje me firmat private, sic ka ndodhur me pare dhe urdhrin e ka leshuar vete kreu i institucionit per marrjen e te gjitha masave. Prefekti Bujar Hoxha ka kerkuar trajtim te barabarte per te gjitha bizneset e kesaj fushe dhe zbatimin e ligjit.