"Berati, investime per te na perfaqesuar me dinjitet"

Gjate vizites se tij ne Berat, Kryeministri Sali Berisha, peruroi edhe perfundimin e rikonstruksionit te rruges "Pal Golemi", investim ky i buxhetit te shtetit me vlere rreth 40 milion leke. Duke uruar banoret e zones per rrugen e re, kreu i ekzekutivit, siguroi se qeveria qe ai drejton, do te beje cdo investim, per te modernizuar infrastrukturen e tij dhe rritur standardet, qe ky qytet ta perfaqesoje me dinjitet Shqiperine ne bote. "Ky eshte nje investim i qeverise ne infrastrukturen e qytetit te Beratit, qytet, i cili u perjetesua me regjistrimin e tij ne nje nga 200 qendrat me te cmuara te trashegimise kulturore boterore. Kjo rruge eshte nje investim prej rreth 40 milion leke, me ndricim dhe trotuare, ne nje nga lagjet me te skajuara te qytetit. Jam ketu per t'u angazhuar se qeveria do te beje te gjitha investimet ne kete qytet, qe te perfaqesoje me dinjitetin me te madh Shqiperine", tha Berisha. Ai u beri apel te gjithe qytetareve te Beratit per te ruajtur dhe konsoliduar tiparet dhe vlerat qe ky qytet mbart dhe perfaqeson. "Jam ketu, per t'ju bere nje thirrje me vellazerore te gjithe qytetareve te mrekullueshem te ketij qyteti, qe te bejne cdo perpjekje per mirembajtjen e tij, pasi vizitore nga mbare bota vijne ketu dhe ne duhet te perfaqesohemi me standardet me te larta te mbrojtjes se mjedisit, te pastertise, te rregullit", u shpreh ai. Berisha shtoi se ndertimi i Boshtit te Jugut do ta beje Beratin nje qytet qe do te 'kapet' nga turistet nga te gjitha drejtimet, nga Tirana, nga Saranda, nga Durresi. Sipas tij, rendesine e jashtezakonshme ka qe ky qytet, me tiparet e tij, ku spikat bardhesia, e pastertia, e kthjelleta, ku spikat shpirti qytetar, duhet t'i ruaje keto standarde ne interesin me te mire te tij.