Berisha, 8 minuta ndaj Shtutgartit

Besart Berisha nuk është aktivizuar më shumë se tetë minuta në ndeshjen që skuadra e Hamburgut e ka humbur të martën me rezultatin 2:0 nga Shtutgarti. Megjithë presionin e mediave gjermane dhe habinbë që ato kanë shprehur mosaktivizimin e shqiptarit, pas paraqitjes së mirë ëq kishte bërë në ndeshjen e fundit të Ligës së Kampionëve kundër Portos, trajneri Tomas Doll nuk ka preferuar që të aktivizojë si titullarë Berishën. Edhe në këtë ndeshje sulmi i Hamburgut ka qenë joefikas pasi nuk ka arritur që të shënojë, ndërsa Berisha me minutat që ka pasur në dispozicion nuk ka mundur të bëjë asgjë që të shpëtojë skuadrën e tij nga humbja.