Berisha: Gati per cdo beteje per voten e lire
Ndersa theksoi se liria eshte pasioni i PD-se, Berisha garantoi opoziten se do te kete hapesiren me te madhe, respektin me te thelle ne misionin e saj.
"Por nuk do te lejojme kurre qe nje grusht pinjollesh te bllokut te neperkembin voten e lire te shqiptareve. Hiqni dore nga mentaliteti i eterve tuaj, sepse betejen me ta ne e beme ne vitin 1990. Sot jemi gati per cdo beteje per voten e lire", u shpreh Berisha.
Kryeministri vleresoi punen e bere nga qeveria drejtuar nga PD ne mandatin e pare, ndersa theksoi se ne mandatin e dyte qeveria do te garantoje me shume arritje.
Duke e vleresuar Partine Demokratike, arkitekte te integrimit europian, Berisha theksoi se garantimi dhe zgjerimi i lirive dhe te drejtave do te jete objektivi me madhor.
"Mafia nxin imazhin e vendit"
"Maxhoranca eshte me e vendosur se kurre qe te zbatoje ligjin, te perdore te gjithe pushtetin qe i ka dhene sovrani per t'i dhene pergjigjen e merituar mafias, e cila nxin cdo dite imazhin e vendit dhe pengon me veprimtarine e saj kriminale zhvillimin".
Keto ishin fjalet e kryeministrit per nje grup njerezish, te cilet ai i quan mafioze e qe i paralajmeron se me ane te ligjit dhe shtetit do te veproje.
"Mafia po gllaberon cdo dite pasurite e ketij vendi dhe ne do te vazhdojme kete lufte, kete beteje, kete perpjekje qe nuk do te kete as tendencen me te vogel politike, por vetem interesin e qytetareve shqiptare, interesin e zhvillimit te vendit e te sigurise se jetes", u shpreh Berisha.
Nga salla ku po zhvillohet kuvendi Kombetar i PD-se, Berisha i beri thirrje avokateve te mafias te mos i mbrojne ata, sepse jane te pashprese.
"Ne Shqiperi cilido ka te drejten e avokatit, por ata qe akuzojne politikisht nuk mund t'ju faktojne shqiptareve qofte edhe nje rast te vetem te veprimit te njeanshem. Ndaj pallateve mbi rruge e rrugica, qeveria ime nuk do te kete asnje pergjigje tjeter vec fadromave te ligjit", theksoi Berisha.
"Lufte varferise"
Vec objektivave per integrim e lufte ndaj mafias, kryeministri Berisha theksoi se eshte lufta ndaj varferise e mjerimit.
"Varferia eshte armiku i njerezve. Kemi 12 perqind te shoqerise shqiptare, e cila jeton ne varferi. Mobilizojme te gjitha mjetete qe te zhdukim brenda dy vitesh mjerimin dhe do te kryejme me eficence punen tone ndaj varferise", u shpreh Berisha.
Shefi i qeverise theksoi se promotor kunder varferise eshte punesimi i shqiptareve.
"Se bashku edhe ne 2024"
Me plane afatgjate duket deshira e Berishes per te ecur bashke me partneret bashkeqeverises.
"Ne jemi te vendosur te ecim se bashku ne zgjedhjet e 2012, ne zgjedhjet e 2013, te ecim se bashku ne zgjedhjet e 2024", tha Berisha.
Sipas tij LSI ka objektiv integrimin dhe Shqiperise sociale, ndaj qeveria eshte e bindur ne jetesimin e ketij programi.
"Ne e kemi sekretin e suksesit, e kemi suksesin e vazhdimesise, qe qendron te pasioni per lirine", u shpreh Berisha.