Berisha: Këto janë zgjedhjet ku shqiptarët firmosin projektin evropian

Tiranë, 28 qershor, NOA Këto janë zgjedhjet me të cilat shqiptarët firmosin projektin e tyre evropian.

Me një deklaratë të tillë është shprehur menjëherë pas momentit të tij të votimit, kryeministri Sali Berisha.

Mësohet se ai ka votuar në qendrën e votimit pranë Liceut Arstistik Jordan Misja në Tiranë, duke qenë politikani i tretë në radhë, pas Ilir Metës së LSI dhe kryeparlamentares Topalli të cilët kanë votuar dhe kanë lëshuar deklaratat e tyre në lidhje me procesin e votimit.

Këto zgjedhje do kthehen në simbol të standardeve, prandaj i ftoj qytetarët që të

marrin pjesë në to, ka shtuar më tej kryeministri.

Më tej, ai ka prekur dukurinë e votimit kolektiv, duke i ftuar të gjithë shqiptarët që të të votojnë individualisht dhe jo në mënyrë kolektive.

Ndër të tjera, kryeministri Berisha ka përshëndetur edhe emigrantët e vëzhguesit, si dy përbërës të rëndësishëm të procesit zgjedhor në vend.

Ai e ka përmbyllur deklaratën e tij para medieve me thirrjen që procesi të vazhdojë sa më mirë sepse do garantohen standardet.

n.e/NOA