Berisha: Opozita, debati ne Kuvend
Akuzat e Partise Socialiste ndaj qeverise nuk kane kaluar pa u komentuar nga ana e kreut te qeverise, teksa ka qene ne takimet e tij gati te perditshme per situaten e permbytjeve ne Shkoder. Kryeministri Berisha ka reaguar menjehere dje, pas akuzave te socialisteve ne Asamblene qe zhvilloi punimet paraditen e djeshme, per permbytjet ne Shkoder, duke treguar gishtin drejt debati ne institucione. Kreu i qeverise tha se opozita ka mundesi te debatoje per kete ceshtje ne seancen e jashtezakonshme te Kuvendit pasditen e sotme. Sipas kreut te qeverise, deputetet socialiste te qarkut te Shkodres do te merrnin pjese ne seancen e jashtezakonshme te Kuvendit, por nuk jane lejuar te bejne nje gje te tille. "Neser do bejme seance plenare per te diskutuar per permbytjet. Deputetet e PS se Shkodres do merrnin pjese ne kete seance, por mesa duket nje urdher politik nuk i lejon. Pra ne do te bejme seancen, e nisem per kerkese te opozites, pasi eshte normale", theksoi Berisha nga Shkodra duke shtuar se seanca e jashtezakonshme do te mbahet me apo pa pranine e opozites. "Ketu ne Shkoder, ne Bushat, ne Dajc, ne Velipoje, ne Gur te Zi, Berdice eshte punuar me nje fryme solidariteti pa dalim perkatesie te asnje lloji, ishin vecse qytetaret perballe nje fatkeqesie natyrore, te shpetonin jeten e njerezve dhe gjese se gjalle. Ka patur pastaj ndonje qe ka dashur te beje ate qe Shkodra e quan "sherrbudalle", e ka imponuar veten vete. Apo te shperndaje simite, te cilat prape Shkodra nuk i ha. Ky eshte i gjithe problemi. Kane qene ca qendrime pastaj, por perpjekjet per ta shfrytezuar ne menyre politike fatkeqesine asnjehere nuk shperblejne", u shpreh Berisha. Kreu i qeverise eshte shprehur se shume shpejt do te behet dhe vleresimi per demet, per te shperndare me pas demshperblimin sipas perllogaritjes. "Kete jave qeveria miraton parimet, mbi te cilat do te behen vleresimet dhe kompensimi i tyre. Eshte ne detyren tuaj, eshte ne detyren e qeveritareve vendore, eshte ne detyren morale te kryepleqve te fshatrave, qe te bejne vleresimin me objektiv. Qeveria, shteti, ka te gjitha mundesite te demshperbleje qindarke per qindarke demet e krijuara. Por asgje nuk do ta nxinte me shume kete proces dhe moralin e tij se sa tentativat per te abuzuar. Ndaj edhe thirrja ime per qeveritaret vendore, thirrja ime per te gjithe dokumentet inventarizuese qe ekzistojne, te filloje me nje vleresim te ndershem dhe objektiv", ka qene deklarata e Berishes. Sipas tij, nuk jane te pakta familjet, te cilat u eshte mbytur c'kane patur ne katin e pare dhe u them atyre qe absolutisht qeveria nje per nje do t'ju c'demtoje. Si dhe jane jo te pakta familjet qe kane humbur pasuri te tjera, kane humbur grurin e mbjelle, kane humbur misrin e depozituar, kane humbur ushqimin per bagetine, pra plot gjera.