Berisha: PS, platforme kaotike per ekonomine
Kryeministri, Sali Berisha u shpreh dje gjate nje bashkebisedimi me banoret e minibashkise nr. 5 tek Amfiteatri i Liqenit Artificial, se platforma ekonomike e Partise Socialiste eshte kaotike. Kryeministri tha se qytetaret e kane provuar modelin e kreut te PS-se, gjate kohes qe ishte ne krye te Bashkise se Tiranes. “Rama piktori i deshtuar, nuk ka koncept ne ekonomi. Qendrimi i Rames vjen nga Koco Kokedhima. Kjo eshte e veshtire per te besuar, por merrni gazetat e tij, ku investimet e huaja shpallen si forma te neokolianizmit. Keto jane koncepte marksiste. Te gjitha keto ia dikton mentori i tij Koco Kokedhima”,- tha Kryeministri. Ne bashkebisedimin e zhvilluar me banoret e njesise nr. 5, Kryeministri ka folur dhe per projektet e zhvillimit te kryeqytetit. Ai tha se do te investohet per zhvillimin e te gjitha zonave te Tiranes dhe kthimin e tyre ne standarde moderne. Ai shtoi se gjate kohes qe ne krye te Bashkise ka qene kreu i PS-se, ka pasur fonde, por ato jane shperdoruar. “Tirana jashte qendres ka infrastrukture te botes se trete. Dal dhe shoh infrastrukture te papranueshme. Ne cdo skaj te akseve kryesore. Mbollem thoshte, 5 mije peme dhe i bente paret rrush e kumbulla dhe na i shpallte peme. Ne do financojme infrastrukturen e Tiranes, gjersa Tirana te asfaltoje cdo rruge dhe rrugice te saj dhe te rikualifikoje sheshet e pallate. Dhe atij ja shtonim por i bente rroga”,- tha Kryeministri Berisha. Kreu i mazhorances ka folur per disa nga shtyllat kryesore te projektit te PD-se, duke u shprehur se mandati i trete do te jete mandati i zhvillimit. “Mandati i ardhshem eshte mandati ku do te shtohen perpjekjet e qeverise per zhvillimin e vendit. Mandati ku do te ecim te sigurt drejt Bashkimit Europian, drejt rritjes se punesimit, drejt mireqenies se qytetareve”,- tha kreu i qeverise. Berisha shtoi se Partia Demokratike ka faktuar se eshte parti e taksave te ulta per qytetaret dhe sipermarresit, sepse besojme tek iniciativa e lire e qytetareve dhe bizneseve. “Nje nga veprat me te goditura qe kemi bere ishte rritja e madhe e rrogave te arsimtareve, qe u shtri me pas ne te gjithe administraten. Ne mendojme se rritja e rrogave dhe pensioneve eshte e domosdoshme, eshte nje ceshtje humane qe nuk duhet te nderpritet kurre. Kemi vendosur rrogen 700 dollare si nivel per t’u arritur gjate mandatit qe vjen”,- tha Kryeministri. Kreu i qeverise u shpreh se arsimi eshte nje nga projektet qe do te garantoje zhvillimin e qendrueshem dhe se do te investohet me shume ne kete drejtim. “Qeveria eshte e vendosur t’i jape statusin mesuesit pa asnje lloj hezitimi. Problemi i vetem eshte se statusi i vendosur nuk mjafton vetem me vitet e punes, por kerkon dhe disa kushte te tjera si niveli i arsimit, shkalla e kualifikimit etj”,- tha Berisha.