Berisha Perparesi industrise se drurit lehtesi te tjera per import-eksportet

Lehtësira të reja për industrinë e drurit do të jenë pjesë e reformave që do të ndërmarrë qeveria “Berisha” në mandatin e ardhshëm. 
Ky ishte premtimi i dhënë nga Kryeministri Berisha gjatë pjesmarrjes së tij në në panairin e mobilerisë "Albania 2013", ku garantoi se qeveria do vijojë të mbështesë bizneset.
“Do të mbështesim industrinë e drurit, si degë e rëndësishme në zhvillimin e ekonomisë. Do të ketë lehtësira të tjera për industrinë e drurit në import-eksportet. Do të bëjmë gjithçka për një klimë sa më të mirë për bizneset dhe heqjen e burokracive për bizneset”, vlerësoi Berisha.