Berisha: Prej Rames, jashte BE Rozeta Rapushi

Kryeministri Sali Berisha, duke uruar dje te gjithe qytetaret e vendeve anetare te Bashkimit Evropian ne Diten e Evropes, tha se Shqiperia per shkak se Edi Rama vazhdon bllokimin e tre ligjeve, kete vit, do e festoje nga jashte. “Por, megjithate, ne nuk do te reshtim kurre se punuari per miratimin e 3 ligjeve, nuk do te reshtim kurre se punuari per te marre statusin e vendit kandidat dhe nuk do te reshtim kurre se punuari drejt integrimit te plote te vendit ne BE”, - u shpreh kreu i qeverise ne nje urim postuar ne faqen e tij ne Facebook. Te njejtin shqetesim, Berisha e ndau edhe gjate nje bashkebisedimi me studentet e degeve te ndryshme te Universitetit “Aleksander Xhuvani”, te Elbasanit. Sipas kryeministrit, ne tetorin e vitit 2012, pasi vleresoi nje nga nje, ndryshimet, ligjet, praktikat, Komisioni Europian doli me konkluzionin se Shqiperia ka plotesuar detyrimet e saj dhe do i rekomandojme Keshillit te Ministrave te vendeve anetare qe t’i japin statusin e vendit kandidat, me kusht qe te votoheshin tre ligjet. Kusht qe sipas tij u vendos pasi vete Komisioni kishte ndermjetesuar intensivisht per keto tre ligje dhe ishte arritur totalisht ujdia. “Ne kete rast, askujt, as ne Shqiperi, as ne Bruksel nuk mund t’i shkonte mendja se per keto tre ligje, qe prisnin prej disa muajsh ne parlament dhe per te cilat ishte arritur absolutisht konsensusi, zoti Rama kishte pasur nje pretendim per rregulloren. Ne menyren me paradoksale, me te papranueshme, keto ligje nuk u votuan dhe u morr peng nje pasaporte e shkelqyer per secilin prej jush, per secilin prej nesh, per vendin ne teresi, sic ishte statusi i vendit kandidat”, - akuzoi kreu i qeverise. Por sipas Berishes ky moment bllokimi nuk duhet aspak te dobesoje vendosmerine e mazhorances, per ti votuar. “Se fundmi, opozita deklaroi se tre ligjet do t’i votoje, por tani statusi nuk mund te jepet, sepse Marsi ishte afati i dyte, per te bere raport dhe per t’ia derguar Keshillit te Ministrave. Por, pavaresisht kesaj, ne jemi te gatshem t’i votojme qe neser”, theksoi ai.

Dogjani vleresime per drejtimin e mbledhjes se PD nga Berisha

Pas perfshirjes ne listat e kandidateve per deputete te PD, vijne edhe vleresimet e para te ish socialisteve per kryeministrin Sali Berisha. “Dje ishte hera e pare qe mora pjese ne nje takim me shtabin elektoral te PD ne Tirane. Ajo qe me beri pershtypje, ishte menyra se si drejtohej mbledhja nga lideri i kesaj force, Sali Berisha. Kryeministri ishte i dashur me te gjithe, i trajtonte te gjithe njelloj. Me e rendesishmja ishte se te gjithe ishin te lirshem te shprehnin mendimet e tyre. Ndryshe nga takimet e zhvilluara tek PS ku flet vetem lideri dhe te tjeret nuk ndjehen te lire te shprehin mendimet e tyre se ndryshe penalizohen si te padeshiruar nga kryetari”, - tha Dogjani.