Berisha-Ruli, mbledhin Task-Forcen per ullirin

Kryeministri Sali Berisha, siguroi dje mbeshtetjen e qeverise per te gjitha strukturat qe merren me zbatimin e projektit qe synon mbjelljen e 20 milione rrenjeve ullinj ne vend. Ne mbledhjen e Task-Forces per projektin e ullirit, kreu i qeverise u shpreh, se ky eshte projekti me i rendesishem i katervjecarit ne vijim. Sipas tij, te gjitha strukturat qe merren me zbatimin e ketij projekti, duhet te gjejne skemat e duhura per nxitjen e mbjelljes se ullinjve dhe realizimit me sukses te plote te projektit ambicioz. Ndersa Ministri i Bujqesise, Genc Ruli, tha se mbeshtetja e dhene per vitin 2009 per mbjelljen e ullishtave te reja ka qene shume efektive, nderkohe qe kerkesat per mbjellje te reja kane qene 2 here me te larta se ne vitin 2008. Sipas tij vetem gjate vitit 2009, per sektorin e ullirit jane dhene 104 milione leke, nga 1.1 miliarde leke te dhena ne total per subvencionimin ne bujqesi. Ne takim u be e ditur se jane evidentuar tashme te gjitha siperfaqet e ullishtave ekzistuese, gjendja reale e tyre dhe masat qe duhet te merren per rehabilitimin e rreth 17.000 ha ullinj. Gjithashtu, sipas diskutimeve te Task-Forces, jane percaktuar edhe te gjitha siperfaqet qe do te mbillen me ullishte te reja, qe arrijne ne 60 ha gjithsej. "Eshte percaktuar edhe struktura e varieteteve qe do te mbillen, sipas te ciles, nga 20 milione rrenje qe do te mbillen ne total, 65 per qind do e zene mbjellja e varieteteve te vendit dhe 35 per qind varietetet e huaja", u shpreh Ruli. Nje pike tjeter e diskutuar ne takim ishte edhe nevoja per nderhyrjet ne rrjetin e rrugeve qe bejne te mundur konkretizimin e projektit te ullinjve ne cdo territor te vendit, si dhe investimi ne sistemin ujites ne ullishte. Gjithashtu u analizua gjendja e industrise perpunuese te vajit dhe nevojat e ketij sektori per t'iu pergjigjur rritjes se prodhimit ne 10 vitet e ardhshme.