Berisha: Shqiperia po ben perpjekje serioze per rritjen e transparences qeverisese
Kryeministri Berisha ka marre pjese dje ne takimin e nivelit te larte, ne Nju Jork, i iniciuar nga Presidenti i SHBA, Barack Obama dhe Presidentja e Brazilit, Dilma Rouseff. Ne kete takim u be lancimi zyrtar i nismes Partneriteti per Qeverisje te Hapur. Shqiperia eshte bere pjese e kesaj nisme, e cila perfshin aktualisht 46 vende, te cilat kane ne fokus marrjen e angazhimeve konkrete per promovimin e transparences e qeverisjes se hapur. Takimi eshte hapur nga Presidenti Obama dhe ne te merrnin pjese kryetare shtetesh dhe zyrtare te larte te vendeve te angazhuara ne kete nisme. Vemendja eshte perqendruar ne sfiden e perbashket te permiresimit te qeverisjes dhe u tregua nje angazhim i forte politik i te gjitha vendeve pjesemarrese, per te ndermarre reformat e nevojshme, per te rritur transparencen, per te luftuar korrupsionin dhe forcuar mekanizmat e pergjegjesise demokratike. Ne perfundim te ketij takimi, duke iu pergjigjur interesit te mediave ne lidhje me nismen e partneritetit per qeverisje te hapur, Kryeministri Berisha u shpreh: "Ishte nje takim jashtezakonisht i rendesishem. Presidenti Barack Obama dhe Presidentja e Brazilit, Dilma Rouseff, kane ndermarre nismen e Partneritetit te Qeverisjes se Hapur. Presidenti Obama mbajti ketu nje fjalim jashtezakonisht te rendesishme, ne te cilen komentoi zotimet qe qeverite duhet te marrin ne menyre qe te behen me te hapura e transparente ndaj vendeve te tyre. Po keshtu, Presidentja Rouseff na njohu me progresin e Brazilit ne kete fushe. E verteta eshte se Shqiperia eshte nje vend qe po ben perpjekjet me serioze. Natyrisht, ne kete Forum, Shqiperia gjen nje frymezim dhe u angazhua te zbatoje nje per nje te gjitha zotimet e angazhimet qe rrjedhin nga anetaresia ne kete nisme". Tete vendet themeluese te Partneritetin per Qeverisje te Hapur: Brazili, Indonezia, Meksika, Norvegjia, Filipinet, Afrika e Jugut, Mbreteria e Bashkuar dhe SHBA, pas takimit kane firmosur deklaraten e perbashket, ku angazhohen te bashkepunojne ne kater fusha kryesore: transparencen fiskale dhe buxhetore, lirine e informacionit, deklarimin e pasurise per zyrtaret publike dhe angazhimin e qytetareve ne vendimmarrje, duke vleresuar se kjo e ben qeverisjen me te pergjegjshme. Partneriteti pershendeti angazhimin e qeverive per t'iu bashkuar kesaj nisme, nder te cilat Shqiperia, Bullgaria, Kanadaja, Kroacia, Republika Ceke, Spanja, Suedia, Maqedonia dhe Mali i Zi. Keto vende pritet te behen anetare te partneritetit ne fillim te vitit 2012, ne takimin qe do te mbahet ne Brazil.