Berisha: Veliaj kreu krim me firmat e tij, u zhdukën pa nam e nishan 120 milionë euro
Inceneratori i Tiranës ka qenë sërish kryefjalën e deklaratës së dhënë sot nga ish-kryeministri Sali Berisha. Ky i fundit ka adresuar një sërë akuzash ndaj kryebashkiakut të Tiranës, Erion Veliaj, duke thënë se është përgjegjësi kryesor për atë të cilën e konsideron si vjedhjen e shekullit.
Sipas Berishës, SPAK po përpiqet që të shpëtojë Veliajn, pasi sikurse u shpreh ai “SPAK po heton zemërthyer aferën e shekullit”.
“Veliaj tha se kush ka bërë gabime do të mbajë përgjegjësi, por kjo është një gënjeshtër e madhe.
Erion Veliaj nuk ka bërë gabime, por krime me firmat e tij. Janë zhdukur pa nam e nishan 120 milionë euro, asnjë objekt i ndërtuar.
Së shpejti qytetarët do të vendosin një nga kryehajdutët e vjedhjes së shekullit në bankën e hajdutit ku ti e ke vendin. Guximi juaj qytetarë, janë vendimtarë për të përmbysur këtë piramidë kriminale që rëndon mbi supet, taksat, qenien tuaj”, tha Berisha.
/rtsh.al/