Berisha: Vleresoj paktin me opoziten per karten 200 leke. Aplikimet, ne rritje
Kryeministri Sali Berisha e vleresoi dje si te shkelqyer, vendimin e qeverise per dhenien e kartave te identitetit vetem per 200 leke, per zgjedhesit qe nuk kane pasaporta dhe bejne pjese tek kategorite ne nevoje. "Skema e vendosur eshte e shkelqyer. Ajo nuk le asnje qytetar pa karte, per shkaqet financiare dhe teknike. Ne rast te mos deshires per te votuar, eshte dicka per te cilen ne nuk e detyrojme dot qytetarin, sepse nuk kemi ligj per te detyruar pjesemarrjen ne votime, ashtu sic e kane 2-3 vende te botes", u shpreh kryeministri, i kenaqur per arritjen e marreveshjes me opoziten. Nga ana tjeter, kreu i qeverise u beri thirrje te majteve, qe ne rast se ka persona qe nuk jane ne lista, apo ka persona qe nuk kane pasaporte, por nuk figurojne as ne lista, te gjeje secilin prej tyre. Ai do i mbeshtese ne saktesimin e listave, ne menyre qe te gjithe te shkojne te votojne. "Jam jashtezakonisht i kenaqur qe ata marrin persiper dhe jam i gatshem te bashkepunoj me ta ne kete fushe, per te gjetur emrat e te cileve kane ngelur jashte listave", vijoi ai. Kryeministri theksoi se u pranua qe te shtohen disa kategori per ata persona qe perfitojne, brenda shifres prej 700 mije zgjedhes, sa jane pa pasaporta. "Qellimi yne eshte qe cdo qytetar qe do te votoje, te votoje. Opozita tregon te njejtin vullnet. Ne e sanksionojme kete me vendim", u shpreh kreu i qeverise, per vendimin qarkullues te qeverise te marre dje per kete ceshtje. Nga ana tjeter, ai informoi se deri me date 29 prill, kane aplikuar 706 mije persona. "Kam shume kenaqesi t'ju informoj se pardje vetem Posta Shqiptare, jo c'kane marre institucionet dhe sipermarrjet, ka shperndare nga sportelet e saj 800 mije kupona, rreth 230 mije jane marre nga administrata qendrore dhe lokale, sipermarrjet publike. Faktikisht, ky eshte numri i kuponave. Jam shume i kenaqur qe u arrit marreveshja", theksoi kreu i qeverise. Marreveshja e cila per opoziten konsiderohet "gjysmake", u arrit pas rreth dy jave diskutimesh e negociatash mes paleve, u arrit qe per disa kategori, kartat te jepen vetem me 200 leke.