Berisha: Zgjedhjet e 2009, kerkojme Vezhgues nga SHBA

TIRANE - Vezhgues dhe nga SHBA per zgjedhjet parlamentare te vitit te ardhshem, ne kuadrin e garancive te forta te dhena nga kreu i qeverise shqiptare per zgjedhje te drejta, te ndershme dhe te pakontestueshme. Ky ka qene thelbi i deklarates se kreut te qeverise Berisha, pas takimit te zhvilluar me numrin dy te mbrojtjes se SHBA. Kryeministri Berisha kerkoi diten e djeshme, vezhgues amerikane per zgjedhjet e ardhshme parlamentare qe do te mbahen ne qershorin e vitit te ardhshem. Kete kerkese kreu i qeverise e beri gjate takimit qe zhvilloi me zevendes sekretarin amerikan per Mbrojtjen Gordon England. "Une parashtrova kerkesen per vezhgues nga institucionet kompetente te Shteteve te Bashkuara te Amerikes, ne keto zgjedhje", deklaroi kreu i qeverise Berisha, ne lidhje me pjesemarrjen e vezhguesve amerikane gjate zgjedhjeve te ardhshme parlamentare. Nga ana tjeter gjate fjales se tij, kreu i qeverise theksoi se qeveria qe ai drejton eshte e vendosur per te zhvilluar zgjedhje te lira dhe te ndershme. "Gjate bisedes shpreha vendosmerine e qeverise sime per te bere cdo gje per zgjedhje te lira dhe te ndershme", theksoi Berisha, duke u zotuar keshtu per procesin e ardhshem elektoral. Me kete deklarate, Berisha ka tentuar te siguroje dhe te qetesoje zerat nga opozita, te cilet jane shprehur skeptike ne lidhje me nje organizim te drejte te zgjedhjeve nga ana e kryeministrit, duke i kujtuar here pas here pretendentet e zgjedhjeve te shkuara. Po keshtu kreu i qeverise e informoi me zevendes sekretarin amerikan per Mbrojtjen edhe per reformat e shumta qe ka ndermarre qeveria qe ai drejton ne fushen ekonomike dhe ate sociale ne vend. Kryeministri Berisha permendi ketu edhe perpjekjet qe po ben qeveria per te intensifikuar luften kunder krimit te organizuar dhe korrupsionit ne vend. Duke u ndalur te lufta kunder korrupsionit kreu i qeverise theksoi se falenderonte Shtetet e Bashkuara te Amerikes edhe per kontributin qe kishin dhene ne kete fushe te rendesishme per zhvillimin e vendit. Ai gjithashtu u shpreh ne fjalen e tij se ishte krenar qe vendi te cilin ai drejtonte, kishte mbeshtetjen e fuqishme te SHBA-se edhe ne shume fusha te tjera te zhvillimit te tij. Ne kete kuader kreu i qeverise theksoi se Amerika ishte edhe partneri kryesor i Shqiperise ne perpjekjet per ndryshime ne vend. Nga ana e tij zevendes sekretarin amerikan per Mbrojtjen Gordon England vleresoi kryeministrin Berisha per reformat e ndermarra nga qeveria e tij dhe e garantoi ate se SHBA do te vazhdonte te ishte nje partner i rendesishem i Shqiperise ne perpjekjet e saj per zhvillim.

Fatjona Mejdini