Berisha bashkebisedim me sportistet Terrene sportive falas

Kryeministri Sali Berisha ka zgjedhur Univesitetin e Sporteve për të bashkëbiseduar me studentë dhe sportitë elitarë për zhvillimin e kësaj pjese të rëndësishme të shoqërisë. Ai ka dëgjuar mendimet e kampionëve si Romela Begaj apo Sahit Prizreni e shumë të tjerëve për stategjinë e zhvillimit të sportit. Sipas Berishës aktiviteti sportiv duhet kthehet në pjesë të jetës së përditshme të çdo të riu dhe për këtë në 4 vitet e ardhshëm do të bëhet më shumë për ndërtimin e terreneve sportive.

“Mendoj se shteti duhet të garantojë terrene sportive falas për cilin do që do të ushtrohet. Duke inkurajuar pjesëmarrjen e sektorit privat, do të bëjmë të pamundurën që të rinjtë të stërviten në terrene sportive pa pagesë”.

A do të afroni në parlament një përfaqësues nga sporti?

“Unë ju siguroj që do të bëjmë të pamundurën të kemi një sportisti në Parlament dhe jo një ndërtuesi nga sporti. Kur ai e kishte ndërtuar pallatin në një fushë sporti. Ku ke zënë terrene sportive me pallate nuk mund të flasësh më për sportin”.

Kreu i Qeverisë siguroi se një zhvillimi i sportit do të bëhet duke u këshilluar me vetë sportistët.
“Ne do të bëjmë një program për sportin duke marrë mendimin tuaj dhe të specialistëve më të mire”.

Kryeministi Berisha siguroi se do të rritet mbështejta për sportitët elitarë dhe federata sportive. Ai tha se shteti duhet të mbështesë suksesin e tyre të ardhshëm, por edhe të mbështesë të gjithë ata që duan të merren me sport për të përmirësuar jetesën e tyre. Berisha tha se për të arritur këtë duhet që edukimi fizik do të kthehet në një nga disiplinat më themelore të shkollës