Berisha mban fjalim në samitin e Kopenhagenit

Kryeministri Berisha ka mbajtur një fjalim sot në samitin e klimës në Kopenhagen. Kreu i qeverisë u nis një ditë më parë në Danimarkë dhe do të qendrojë deri në mbyllje të samitit. Gjatë qëndrimit atje, Berisha është i ftuar në një darkë që shtrohet për nder të pjesëmarrësve nga mbretëresha e Danimarkës, Madhëria e Saj Mbretëresha Margrethe II. Gjithashtu, Kryeministri Berisha është i ftuar edhe në një drekë të shtruar nga kryeministri danez së bashku me kryetarët e tjerë të qeverive dhe delegacioneve pjesëmarrëse në këtë konference.
Gjatë këtyre ditëve, Berisha do të zhvillojë një seri takimesh bilaterale me liderë të rajonit dhe evropianë.