Berisha, mbeshtetje nga Britania per NATO-n

Kryeministri Berisha mori diten e djeshme mbeshtetjen e Britanise se Madhe per anetaresimin e Shqiperise ne NATO. Gjate vizites se tij ne Davos, Kryeministri Berisha zhvilloi nje takim me sekretarin e Jashtem te Mbreterise se Bashkuar, David Miliband. Gjate bisedes, sekretari Miliband deklaroi se Britania e Madhe vlereson dhe mbeshtet fuqimisht reformat e ndermarra nga qeveria shqiptare. Ai vleresoi bashkepunimin mjaft te mire institucional mes partive politike ne Shqiperi, ndersa shprehu edhe nje here mbeshtetjen e vendit te tij per nje Shqiperi anetare te Aleances se Atlantikut te Veriut. Ne takim u bisedua edhe per Kosoven dhe statusin e saj. Sekretari i Jashtem britanik shprehu edhe nje here qendrimin e Britanise se Madhe per nje zgjidhje sa me shpejte te statusit te Kosoves. Dje gjate qendrimit te tij ne Zvicer, Berisha zhvilloi ne Davos nje takim me Presidentin e Afganistanit, Hamit Karzai. Ne kete takim, Presidenti i Afganistanit e falenderoi Kryeministrin Berisha per mbeshtetjen qe Shqiperia i ka dhene ruajtjes se stabilitetit dhe paqes ne Afganistan, nepermjet pjesemarrjes se trupave shqiptare ne misionet paqeruajtese ne kete vend. Po dje, Berisha zhvilloi nje takim me skenaristen, regjisoren dhe producenten e mirenjohur angleze, Emma Thompson. Kryeministri Berisha i shprehu Thompson mbeshtetjen qe qeveria shqiptare do te jape per projektet e saj dhe kompanise qe ajo drejton, ne promovimin e bukurive dhe artit shqiptar.