Berisha ne Kamze: "Boom" i ri investimesh Rozeta Rapushi

Kryeministri Sali Berisha u beri thirrje banoreve te Kamzes, mbeshtetesve te PD-se dhe koalicionit "Aleanca per Qytetarin" te shmangin cdo lloj tensioni ne kete fushate elektorale. Thirrje e cila behet ne nje zone, ku vetem pak dite me pare pati incident mes simpatizanteve te PD-se dhe PS-se. Nderkohe qe nga ana tjeter, u kerkoi banoreve voten per kandidatin e koalicionit "Aleanca per Qytetarin", kryetarin aktual te bashkise, Xhelal Mziu, ne vend te rruges se vetme te opozites qe ai e quajti ate te ish regjimit totalitar te rrezuar 20 vite me pare. "Krahas alternatives tone, eshte alternativa e rruges se vetme, qe ju burrat dhe grate e Kamzes dhe gjithe shqiptaret, u ndate 20 vjet me pare per te mos e nisur kurre me ate rruge. Zoti Rama kalon nga nje takim ne nje tjeter, duke folur per rrugen e vetme. Absurde te mendohej se ai ofron kooperativa apo ferma bujqesore, por fakti eshte se kthehet tek rruga e eterve tregon se e shkuara perben te sotmen dhe te ardhmen e tij", akuzoi kryeministri. Ne kete kuder, Berisha kerkoi voten per alternativen e qytetareve, se ata jane te paret. "Votoni si qytetare evropiane. Ne ju garantojme se cdo projekt tuajin do ta shnderrojme ne realitet", theksoi kryeministri. Para banoreve te Kamzes, kreu i qeverise premtoi se qeveria e tij dhe Xhelal Mziu, do ta shnderrojne Kamzen ne nje nga qytetet me te urbanizuara ne vend. Sipas tij, vetem ne keto kater vitet e fundit, ne kete qytet u asfaltuan 60 km rruge, te gjitha kryesore. "Une zotohem se ne 4 vitet e ardhshme, do te asfaltohet cdo rruge e rrugice e qytetit tuaj. Kemi ndertuar 23 shkolla e kopshte, 5 shkolla te medha. Ju jap fjalen se shkollat tuaja, do te jene teresisht shkolla evropiane. Une e mbeshtes Mziun sepse ne 4 vite ne Kamez, bizneset nga 600 numerohen 1800 te tille", theksoi Berisha. Sipas tij, "ne kete bashki taksat jane tre here me te uleta se sa ne Tirane dhe te ardhurat jane rritur 4 here me shume se kater vite me pare". Ne kete kuader, Berisha premtoi se 4 vitet e ardhshme ai dhe Mziu, do rindertojne stadiumin, pallatin e sportit si dhe do ndertohet nje nga kinemate me moderne. "Do te 5-fishohen investimet nga qeveria qendrore. 55 milione dollare, eshte firmosur kredia per ujesjellesin dhe kanalizimet e qytetit. Do bejme gjithcka per nje mjedis miqesor per biznesin", tha Berisha. Kreu i qeverise u kujdes qe te beje apel per qetesi ne kete fushate elektorale duke kerkuar nga te gjithe demokratet, mbeshtetesit e PD-se dhe te koalicionit "Aleanca per Qytetarin" qe te shmangin cdo lloj tensioni dhe te votojne te lire.