Berisha ne grupin e PD: Reforma ne SHISH dhe policine gjyqesore, me rendesi

Kryeministri Sali Berisha kerkoi dje ne mbledhjen e grupit parlamentar demokrat, shqyrtimin e ligjeve te rendesishme ne reformat e vendit. Sipas kreut te qeverise, ne javen e ardhshme, nje sere ligjesh te rendesishme do te kalojne per votim ne Kuvend. Ligje qe kane te bejne me reformat e metejshme te institucioneve dhe percaktimin e nje qendrimi te ri ndaj reformave diskriminuese. Nder kryesoret, Berisha renditi ndryshimet ne ligjin per Sherbimin Informativ Shteteror. “Me keto ndryshime synohet se pari, percaktim me i qarte i detyrave te Sherbimit Informativ Shteteror ne kushtet aktuale. Cilesore do te thosha une eshte vendosja e vepres se korrupsionit per personin publik”, tha Berisha. Sipas tij, me keto ndryshime, midis Sherbimit Informativ dhe Policise ekziston nje bashkepunim i frytshem dhe kontributi i Sherbimit ne luften kunder trafiqeve, eshte shume i rendesishem. Po keshtu, Berisha informoi se se shpejti, do te pergatitet dhe do te vije ne Kuvend, ligji per “Policine Gjyqesore”. “Edhe ky ligj synon nje reformim te metejshem, te veprimtarise te policise gjyqesore, vendosjes ne baza ligjore te reja te disa aspekteve te kesaj veprimtarie. Natyrisht, Kushtetuta e vendit, drejtimin e hetimit ia ka dhene prokurorit. Ky eshte varianti qe ekziston ne Shqiperi, besoj se duhet te ekzistoje edhe ne vende te tjera, disa vende te tjera e kane vetem policia”, tha Berisha, duke ftuar deputetet e grupit te tij parlamentar, te diskutojne dhe votoje projektligjet e reja dhe reformat qe ato sjellin. Nismat e reja, kreu i qeverise i cilesoi si shume te rendesishme qe sjellin reforma edhe ne fushen e investimeve te huaja, ne shendetesi dhe inspektorate.