Berisha shfaqet më i rinuar tek Zonë e Lirë dhe i çon mesazh Ramës: Ruaju nga Meta, do të marrë partinë (VIDEO)

(E PERDITESUAR)- Kryeministri Sali Berisha u shfaq më i rinuar në emisionin Zonë e Lirë, ku dilte për herë të parë.

Shpesh qeshte për të treguar dhëmbët e saporregulluar, ndërkohë që makijazhi i tepruar ishte bërë në atë që mënyrë që të fshihte rrudhat.

Ai u ul në mes të këngëtareve seksi, që e shihnin me adhurim.

Që në nisje të emisionit Arian Çani, pasi pyeti nëse Doktori kishte rojet afër, iu afrua dhe e preku në gjithë trupin për t’u dëshmuar shqiptarëve se Berisha nuk mbante anti-plumbin veshur (a thua nuk e heq dot kur hyn në një shtëpi të sigurt për të, si TV Klani).

Rama nuk ka gënjyer për antiplumbin, por e ka fiksim. Duhet t’ja falim për atë që thotë, ishte përgjigja e Berishës.

Hyra pak me vonesë në botën e Facebook-ut, se komunikimi me SMS ishte shumë i lodhshëm. Por duhet të zgjidhja edhe një ditë të shënuar dhe zgjodha Ditën e Rinisë. Dhe godita në shenjë, rrëfeu kryeministri.

Kur prezantuesi Çani i përmendi Berishës fëmijërinë dhe sidomos idhullin e saj, Edit Piaf, ai u përlot në emision.

Më pas Çani i bëri një test muzikor dhe për çudi Doktori i gjeti të gjitha këngët në bazë, nuk kishte rëndësi nëse ishin të vjetra apo të reja. Madje për çdo këngë dinte edhe historinë e tyre. Ndërkohë këngëtarët e ftuar, që i bëjnë fresk nëpër mitingje, nuk dinin as sa doktori për këngëtare si Amy Winehouse dhe habiteshin me zgjuarsinë e liderit.

Tek pjesa politike e intervistës, Berisha i dërgoi një mesazh Edi Ramës. “Ruaju nga Ilir Meta,” tha Berisha. Sipas kryeministrit, Meta ka shkuar në atë koalicion për të marrë drejtimin e PS, pasi kryeministrin nuk e marrin dot, sepse kryeministër do jetë Berisha sërish./ep