Berisha vijon viziten ne Norvegji
Në ditën e dytë të vizitës zyrtare në Norvegji, kryeministri Berisha u prit në një audiencë nga Lartmadhëria e Tij Mbretërore, Princi i Kurorës Haakon Magnus.
Sipas njoftimit të zyrës së shtypit të Kryeministrisë, Kryeministri Berisha e falënderoi Princin e Kurorës për pritjen e përzemërt, si edhe për mbështetjen që Norvegjia i ka dhënë Shqipërisë në procesin e anëtarësimit në NATO. Gjatë audiencës, Kryeministri e informoi Princin e Kurorës mbi qëllimet e vizitës në Norvegji, duke vënë theksin te bashkëpunimi bilateral, kryesisht në fushën e energjisë së rinovueshme, teknologjisë së informacionit dhe mbështetjen në programin e pyllëzimit që ka qeveria shqiptare.
Kryeministri theksoi se projekti i kaskadës së Devollit që po zbatohet nga kompania norvegjeze Statkraft, në bashkëpunim me kompaninë austriake EVN, është një tregues i qartë në këtë drejtim. Lartmadhëria e Tij Mbretërore, Princi i Kurorës Haakon Magnus i transmetoi kryeministrit përshëndetjet e Mbretit, i cili ndodhej jashtë Norvegjisë. Princi shprehu kënaqësinë për bashkëpunimin shumë të mirë mes dy vendeve. Në përfundim të audiencës, Kryeministri e ftoi Mbretin e Norvegjisë si edhe Princin e Kurorës që të vizitojnë Shqipërinë, ftesë që, siaps njoftimit të zyrës së shtypit të kryeministrit, u mirëprit me kënaqësi.
Një takimi tjetër ishte ai me zëvëndës Presidentin e Parlamentit, Per-Kristian Foss. Ndër të tjera në takim u diskutua edhe për situatën politike dhe procesin e integrimit europian. Kryeministri Berisha e informoi zëvëndës Presidentin e Parlamentit norvegjez, se Parlamenti shqiptar sapo kishte marrë vendim për të zhbllokuar miratimin e ligjeve me shumicë të cilësuar, fillimin e reformës zgjedhore dhe asaj të rregullores së Parlamentit, kushte këto të vendosura edhe nga Bashkimi Europian. Në përfundim të takimit, zëvëndës Presidenti i Parlamentit Per-Kristian Foss e shoqëroi Kryeministrin në një vizitë në ambientet e Parlamentit dhe në sallën e seancave plenare të tij.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Rama: Konsensusi vetëm për tre pika të paktit tonë
"Të nisim punën për reformat"
Topi përshëndet rivendosjen e dialogut
Itali, Monti takim me krerët e partive
Nju Jork, policia largon aktivistët
Bisedimet, raundi i ri të premten?