Berluskoni nuk largohet

Pas presioneve në rritje për t’u larguar nga posti i kryeministrit, SIlvio Berluskoni ka deklaruar se jo vetëm që nuk do të japë dorëheqjen por të martën do të kërkojë një votëbesim në Senat për propozimet që i janë bërë Bankës Qendrore Evropiane dhe BE-së.

“Nuk do të largohem, nesër do të kërkojë votëbesimin e senatit për propozimet që i janë bërë Bankës Qendrore Evropiane dhe BE-së, dua të shikojë në fytyre ata që do të guxojnë të më tradhtojnë”, është kjo deklarata e kryeministrit Berluskoni, nëpërmjet të cilës ka hedhur poshtë të gjitha spekulimet se ai do të japë shumë shpejt dorëheqjen.

Vetëm pak ditë më parë opozita italiane, e frymëzuar edhe nga zhvillimet e fundit në Greqi, kërkoi dorëheqjen e Kryeministrit italian dhe krijimin e një qeverie e cila do të jetë në gjendje t’u bëj ballë krizave dhe presioneve ekonomike. Sakaq gjatë ditës u bë e njohur se kostoja e huamarrjes se qeverisë italiane është rritur si pasojë e rritjes së frikës për një krize politike në qeverinë Italiane. Kjo është frikë se Italia, ekonomia e tretë më e madhe e zonës euro, të mund të bëhet viktimë tjetër e krizës së borxhit.