Besa rigjen fitoren ndaj Skenderbeut

Besa-Skenderbeu 2-0
Shenues: Xhihani 17’, Hamzai 90’
Gjerat duken se kane marre per mire per Besen. Ajo ka mundur te marre fitoren e pare pas ikjes se rumunit Dumitresku. Po ashtu dhe Starova ka arritur te triumfoje per here te pare me skuadren e re. Ata kane mundur te mposhtin Skenderbeun me rezultatin e paster 2-0, duke e lene kete skuader perseri ne vendin e fundit. Golat kane ardhur nga nje ne cdo pjese. I pari qe ka tundur rrjeten kundershtare, ka qene kapiteni i Beses, Parid Xhihani, qe ne minuten e 17-te. Pas ketij goli, Skenderbeu ka bere nje paraqitje me te mire, por nuk ka mundur te barazonte. Ne pjesen e dyte, ata jane ndeshkuar perseri, por kesaj radhe nga Romeo Hamzai, i cili dyfishoi rezultatin ne minuten e fundit te ndeshjes. Kjo fitore ka bere qe kavajasit te mos jene larg kreut, por vetem 4 pike, gje qe i lejon te vazhdojne pa problem lojen per titull.
Tashme Staroves do t’i duhet te mbaje ritmin, sidomos ne ndeshjen e radhes, ku perballe do te kete ish-skuadren e tij, Tiranen. Takim qe ai nuk deshiron te dale i humbur. Ndersa Skenderbeu momentalisht po perjeton nje periudhe te erret, e cila eshte bere makth per te. Ata ne ndeshjen e radhes do te presin ne fushen e tyre Elbasanin dhe do te mundohen te rrembejne ndonje pike, per te mos qendruar ne fundin e tabeles.