Betankur pret arritjen e fëmijëve nga Franca

Politikania franko-kolumbiane Ingrid Betancourt e cila u mbajt peng për 6 vjet me radhë nga gueriljet në Kolumbi po pret arritjen e fëmijëve të saj nga Franca. Ajo u lirua dje së bashku me 15 pengje të tjerë, duke përfshirë tre kontraktorë amerikanë. Në operacionin e shpëtimit morën pjesë agjentë të zbulimit që kishin depërtuar mes gueriljeve të cilët mbanin pengjet. Zyrtarët thanë se gjatë operacionit të shpëtimit nuk u përdorën armët. Të 15 personat e liruar ishin mes 700 pengjeve që grupi guerilas FARC mendohet se mban në kampet e tij në xhungla. Pas orë pas lirimit, zonja Betancourt falenderoi popullin e Francës, ku tashmë ajo ishte kthyer në një figurë të njohur. Një ndihmës i Presidentit Nicolas Sarkozy tha se zonja Betancourt do të kthehet në Paris nesër së bashku me fëmijët. Zonja Betancourt u mor peng në vitin 2002 kur ishte duke bërë fushatë për presidente të Kolumbisë. Tre pengjet amerikane arritën në Shtetet e Bashkuara në një bazë ajrore të Teksasit sot në mëngjes.