Biznesi: Tatimi mbi te ardhurat, na penalizon Eglantina Nasi

"Parapagimi ne cdo 3 muaj i tatim-fitimit perben nje kosto shtese dhe te palogjikshme, e cila do ta vendose ne shume veshtiresi financiare biznesin". Me nje deklarate te tille, kreu i Dhomes se Tregtise dhe Industrise se Tiranes, Nikolin Jaka, ka shpjeguar ndikimin qe sipas tij do te kene tek sipermarrjet shqiptare ndryshimet e fundit te kryera ne ligjin ?Per Tatimin mbi te ardhurat". I hartuar plot 14 vjet me pare, ligjit nr. 8438, i dates 28.12.1998, iu ndryshua pikerisht neni 30 i tij, duke parashikuar qe ai te parapaguhet i ndare me keste kater here ne vit, sic i bie konkretisht cdo tremujor. Dhe nje gje e tille, sipas Jakes, do ta shtrengoje biznesin, te rrise me tej kostot e tij. "Gjate periudhes vijuese tatimore, tatimpaguesi parapaguan ne llogarine e organeve tatimore, keste tre-mujore te tatimit mbi fitimin, jo me vone se data 15 e muajit janar, prill, korrik dhe tetor", parashikon konkretisht ndryshimi ne ligjin e lartpermendur. Por i komentuar nga ana e biznesit, miratimi i ketij ndryshimi 'te papritur, do te thote se atij i duhet te parapaguaje "te pakten trefish te shumes qe shlyejne sot cdo muaj per tatimin mbi fitimin". "Shume kompani do te vihen ne pamundesi per ta parapaguar trefishin e shumes qe shlyejne sot per tatim fitimin dhe do te kete shume raste gjobash per mos-shlyerje, gje e cila do te rendoje edhe me shume gjendjen financiare te kompanive, duke rritur edhe presionin psikologjik negative mbi to", - tha me tej Jaka, lidhur me argumentimet qe jep biznesi kunder aplikimit te nje mase te tille. Sipas tij, duke mos njohur ende gjendjen perfundimtare te te ardhurave dhe shpenzimeve per tre muajt ne vijim, sipermarrjet shqiptare mund te ndihen ne presion per shumen e tatimit te fitimit qe duhet paguajne pas 3 muajsh. Nga ana tjeter, kreu i Dhomes se Tregtise dhe Industrise se Tiranes, pohoi faktin se ky institucion po harton nje platforme te posacme te cilen do t'ia paraqese ministrise se Financave per te likuiduar ato kompani qe shteti u ka borxhe. Ndersa ndryshimet ne ligjin "Per tatimin mbi te ardhurat" pritet te diskutohen edhe pas dy ditesh ne mbledhjen e radhes se Keshillit Konsultativ te Biznesit, ku ky i fundit pritet qe te ngreje shqetesimet e lartpermendura.

MF: Ndryshimet, si politike e re fiskale

Ne pozicionin e propozueses se ndryshimeve ne ligjin "Per tatimin mbi te ardhurat", ministria e Financave ka shpjeguar se synimi i tyre "eshte pikerisht vendosja e nje politike te re fiskale lidhur me parapagimin e kesteve te ketij tatimi". "Arsyeja kryesore e propozimit lidhet me permiresimin e indikatoreve te Shqiperise ne raportet e Bankes Boterore "Doing Business", - thuhet ne relacionin perkates te MF-se. Duke shtuar se pjesa me e madhe e vendeve kerkojne pagesen e kesteve ne menyre periodike, zakonisht ne baze 3-mujore, gjate vitit fiskal, te cilat me pas kreditohen kundrejt detyrimit final ne momentin qe ky percaktohet ne baze te deklaratave tatimore vjetore. "Nje sistem pagesash paraprake i konceptuar mire normalisht do t'i llogariste pagesat sa me afer qe te ishte e mundur me detyrimin aktual vjetor. Kjo do te shmangte nevojen per pagesa te medha tatimesh ne fund te vitit qe mund te ishin problematike per t'u vjele dhe do te shmangte nevojen per rimbursimet e rezultuara nga mbipagesat", argumentojne me tej ekspertet e ministrise se Financave.