Biznesi amerikan krijon Fondacionin e Zhvillimit

Zhvillimi i metejshem i arsimit dhe i sipermarrjeve private, i kapaciteteve udheheqese, i turizmit kulturor dhe eko-turizmit, do te jene ne qender te vemendjes se investimeve nga Fondacioni Shqiptaro-Amerikan i Zhvillimit (AADF), beri te ditur dje ne nje konference per shtyp, Michael Granoff, kryetari i Bordit te Drejtoreve te Fondit Shqiptaro-Amerikan te Ndermarrjeve. Ne celje te kesaj konference, e zhvilluar ne mjediset e Hotel "Sheraton", me rastin e krijimit te ketij Fondacioni ne Shqiperi, Granoff beri te ditur se me aprovimin e qeverise amerikane, nepermjet Agjencise Nderkombetare te Zhvillimit (USAID) dhe Departamentit te Shtetit te SHBA-se, "pritet qe ky institucion, te jete nder me fitimpruresit qe ka pasur Shqiperia ndonjehere". Fondi i dhene per kete institucion zhvillimi, sipas z.Granoff, "kap shifrat e nje kapitali fillestar prej 100 milione dollaresh, ndersa fusha e investimit do te jete nxitja dhe zhvillimi i programeve per sektorin privat ne Shqiperi". Ambasadori i SHBA-se ne Tirane, John Withers, pjesemarres ne kete konference, theksoi se "Michael Granoff ndau me ju nje premtim, nje shprese per te ardhmen e investimeve dhe te progresit te Shqiperise, me mbeshtetjen e qeverise amerikane". Vlera e Fondit, qe kapte kapitalin fillestar te 30 milione dollareve, eshte rritur ne 100 milione dollare, fonde te dhena nga qeveria amerikane. Kompanite qe Fondi ka investuar ne 14 vitet e ekzistences ne Shqiperi, kane kontribuar me mbi 1 miliarde dollare ne GDP-ne e Shqiperise, ndersa krijoi mbi 5.000 vende pune.