Biznesmeni i bukes kerkon burg ne vend te gjobes

Fier- Nje rast i pazakonte eshte ai i nje biznesmeni fierak. Kajo Hallka, biznesmen i prodhimit te bukes ne Fier, njekohesisht edhe kryetar i shoqates se prodhuesve te bukes ne kete rajon, i kerkon policise te kryeje burg. Pasi ka marre nje gjobe prej 30 mije lekesh nga autoriteti i konkurences, ai pohon se nuk ka para te paguaje, ndaj eshte i gatshem ta konvertoje kete shume me 6 dite burg. Biznesmeni tregon se problemi i tij lindir rreth dy vjet me pare. "Ne vitin 2007, u rrit cmimi i karburantit dhe i grurit. Kjo e rendoi buxhetin, pasi buka qe prodhonim dilte me kosto me te larte, se cmimi qe e shisnim. Per kete qellim pasi biseduam si shoqate dhe nuk po kompesoheshim nga shteti, vendosem dhe rritem cmimin e bukes", tregon Hallka. Sipas tij, pas rritjes se cmimit, autoriteti i konkurences e denoi me nje gjobe prej 30 mije lekesh. "Kjo gjobe me vjen pas dy vjetesh, pra ne 14 shtator te vitit 2009. Hallka ngre pretendimin se ngrirja e llogarise bankare nga ana e zyres se tatim-taksave ne Fier, e pengon ate te kryeje veprime pa paguar gjoben. "Une nuk e paguaj kete shume, ndaj kam ardhur para drejtorise se policise qe t'u them drejtuesve se ne vend te gjobes dua te bej 6 dite burg", thote biznesmeni.

Xh.Beharaj