Vlore, ja konfliktet e rektorit Shaska
Vlore-Greva e urise se studenteve te Vlores, e cila u mbyll pas 5 dite ngujimi, apo edhe protestat e fundit te atyre qe u penguan te regjistrohen per shkak te mesatares nen 6, nuk jane rastet e vetme te marredhenieve konfliktuale te krijuara nga rektori i universitetit te ketij qyteti, Tanush Shaska. Pergjate nje viti, vendimet e rektorit Shaska, kane ngjallur mjaft debate, por kane shkaktuar edhe shume probleme ne institutin arsimor qe ai drejton. Shaska u be i njohur per vendimet e tij, qe ne korrik te vitit 2008, kur miratoi heqjen e emrit te patriotit te shquar "Ismail Qemali" nga universiteti. Ky vendim ngjalli nje debat mjaft te ashper mes tij dhe drejtuesve te Ministrise se Arsimit ne ate kohe, te krereve te Akademise se Shkenave, por edhe reagimin te forte te opinionit publik. Kryeministri Sali Berisha, vuri veton e tij per kete vendim absurd te rektorit Shaska duke mos lejuar heqjen e emrit te Ismail Qemali. Pa filluar ende ky vit akademik, rektori Shaska behet serish protagonist, ne te tjera ngjarje. Rreth 400 maturante kundershtuan me force, lenien e tyre jashte dyerve te universitetit, pasi rektori nuk pranonte qe ata te regjistroheshin per shkak te mesatares nen 6. Por nje veprim i tille i Shaskes, eshte kundershtuar edhe nga drejtuesit e MASH. Vete ministri i sapo emeruar Myqerem Tafaj, ka mbeshtetur maturantet, duke i siguruar se askush nuk do te mbetej jashte dyerve te universitetit. Ai ka urdheruar regjistrimin e tyre, por rektori Shaska duke mos perfillur kete urdher, braktis per disa dite universitetin, duke penguar regjistrimin ne kohe te studenteve te rinj. Madje shperfillja e tij ka shkuar deri aty sa komunikimi i tij sqarues, te behej nepermjet imeileve. Skandali me i fundit, eshte ai i studenteve te drejtesise, te cilet duhet te diplomoheshin pas 4 vitesh, por rektori Shaska, nuk ka pyetur per udhezimet e MASH, duke i detyruar studentet te ndermarrin nje greve urie. U desh serish nderhyrja e Ministrise se Arsimit, qe studentet te gjejne zgjidhjen e kerkesave te tyre legjitime. Megjithe keto konflikte te perseritura, rektori Shaska vazhdon te qendroje ne krye te ketij universiteti.