Bler: Rënia e euros, katastrofë botërore

Ish-Kryeministri i Britanisë së Madhe, Toni Bler në një intervistë të dhënë për agjencinë e lajmeve BBC theksoi se kolapsi i mundshëm i euros do të ishte katastrofik për të gjithë Evropën, por me pasoja serioze edhe për mbarë ekonominë botërore.

Sipas Bler situata ka mbërritur në një pikë pa kthim. Është e rëndësishme të vendosim të gjithë së bashku një standard të ri besueshmërie. Një krizë si kjo do të ishte shmangur nëse strukturat ekonomike do të ishin edhe më të koordinuara. Në situatën e krijuar, Evropa duhet të kuptojë se bashkëpunimi fiskal tashmë është i domosdoshëm, deklaroi Bler.