Bllokohen 300 lodra me lende te rrezikshme

Nje aksion i pazakonte kundrejt lodrave per femije eshte ndermarre gjate dites se djeshme ne Tirane, nga Inspektorati Qendror Teknik (IQK). Inspektorati ka bllokuar ne kryeqytet rreth 300 lodra plastike, imitime frutash, te cilat kane rezultuar te mbushura me lende te ndryshme, te demshme per shendetin. Drejtori i Inspektoratit Qendror Teknik, Ilir Kurti i ka bere dje thirrje konsumatoreve, qe mos te blejne lodra qe shiten ne rruge e trotuare, pasi ato tregtohen jashte normave dhe kontrollit. "Lodrat plastike ishin te mbushura me pluhur, ose boje dhe tregtoheshin nga shitesit ambulante per femijet afer shkollave, ne rruge e trotuare", tha Kurti. Drejtori i IQK-se, Ilir Kurti, shtoi se per kete problem, eshte vendosur edhe nje numer telefoni, ku qytetaret mund te denoncojne rastet e tregtimit te ketyre lodrave te rrezikshme per shendetin. Sipas tij, aktualisht po hetohet lidhur me prejardhjen e ketyre lodrave dhe subjektin qe i ka sjelle ne Shqiperi. Ne fakt, megjithese qytetaret e dine fare mire se ne Shqiperi kane ardhur lodra te rrezikshme, ata vazhdojne t'i kerkojne. Shitesit rrefejne se edhe prinderit pyesin per keto lloj lodrash, edhe pse e dine se demtojne shendetin. Megjithate, ka edhe nje pjese tjeter e cila eshte ndergjegjesuar ne lidhje me pasojat qe bartin me vete keto lodra nese perdoren. Kjo kategori arrin t'i rezistoje femijeve te tyre, duke i shmangur nga dyqanet qe kane lodra te tilla. Ata detyrohen t'u blejne makina, edhe pse kushtojne shume me shtrenjte, vetem e vetem qe te shmangin ato me perberje helmesh apo radioaktiviteti. Megjithate duket se fluksi i blerjes se lodrave ka rene ndjeshem ne krahasim me vitet e kaluara. Sipas tregtareve, xhiroja ka qene shume me e madhe per shkak te shumellojshmerise se blerjeve. Ndersa sivjet, prinderit mjaftohen vetem me nje lloj lodre.