Blushi: Subvencionim per bujqesine

Deputeti i Partise Socialiste ne qytetin e Korces, Ben Blushi, gjate takimit qe pati diten e djeshme me fermeret, vleresoi se bujqesia ka nevoje urgjente per subvencionim, ashtu sic ka ndodhur disa vite me pare me subvencionimin e naftes. "Gjendja e tregut te Korces eshte e mjeruar. Jane qindra fermere qe nuk shesin dot prodhimet e tyre dhe nga ana tjeter, qytetare qe nuk mund t'i blejne", vuri ne dukje socialisti. Sipas Blushit, kostot e prodhimeve bujqesore jane rritur, ndersa qytetaret e varfer dhe te papune, jane te detyruar te blejne produkte te cilesise se fundit. "Shqetesimi i fermereve te Korces per mos shitjen e prodhimeve te tyre, lidhet edhe me konkurrencen e pandershme qe ju behet nga produktet e vendeve fqinje, si pasoje e se ciles, mundi dhe shpenzimet e ketyre fermereve do te shkojne dem", deklaroi deputeti socialist. Ndersa gjendja e bujqesise, sipas tij, eshte mjaft e veshtire, pasi eshte rritur kostoja e prodhimeve per shkak te rritjes se kostos se sherbimeve. Fermeret nderkaq, kane shprehur shqetesimin e tyre per renien e fuqise blerese.

E.A