Bode: Rritja e taksave, platforme e kodosheve qe duan te falimentojne rivalet

Ministri i Financave, njeheresh dhe kandidati per deputet ne Pogradec i Partise Demokratike, Ridvan Bode, ne mitingun e zhvilluar dje ne Pogradec, u shpreh se qytetaret duhet te firmosin kontraten per mandatin e trete te PD-se. Ai u shpreh se PD-ja eshte e vetmja force qe ka nje program serioz, ndersa e cilesoi programin ekonomik te PS-se si vazhdim i strategjise se bllokimit. “Perballe nesh kemi pinjollin bllokmen qe bllokimin ka per alternative dhe rritjen progresive te taksave. Rama bllokoi statusin, kjo strategji e tija, tani qe demi iu be vendit, votoi tre ligjet. Kjo eshte ndihma qe Edi Rama i jep vendit e shqiptareve, ai ka punuar dhe mendon cdo cast per bllokimin dhe izolimin e vendit. Eshte bllokuesi i zhvillimit ekonomik te vendit”,- tha Bode. Ministri eshte ndalur dhe ne taksat qe propozon kreu i PS-se, duke u shprehur se ato jane propozime te biznesmeneve afer tij per te demtuar rivalet. Duke folur per taksen progresive, Bode tha se Rama do e ktheje Shqiperine ne nje Republike bananesh, me kete ide. “Ai eshte taksoman i pandreqshem, rritja e taksave eshte platforme e kodosheve qe duan te falimentojne rivalet e tyre. Do ta ktheje Shqiperine ne banane republike”,- tha ministri Bode. Ministri eshte ndalur dhe ne premtimet e Partise Demokratike, duke u shprehur se qytetaret meritojne me shume punesim dhe me zhvillim dhe se kjo eshte e mundur vetem me projektin e qeverisjes aktuale. “E dime se ju kerkoni dhe prisni me shume nga ne, ne jemi te bindur qe ju meritoni me shume se sa kemi arritur. Programi yne eshte kontrata jone e re e bashkeqeverisjes, pas 23 qershorit, kur ju te firmosni me voten tuaj. Pas 20 ditesh ne do te votojme per kete, ne jemi alternativa e qytetarit, e rrugeve, shkollave dhe spitaleve te reja, alternativa e rritjes se rrogave, e zhvillimit te ekonomise dhe biznesit”,- tha ministri i Financave, Ridvan Bode.