Bode: S'ka kerkese zyrtare per ndarjen e posteve ne PD, statuti si ai i PPE

Nese perfaqesuesit e Partise Demokratike kerkojne ndarjen e posteve drejtuese ne ekzekutiv nga ato partiake, duhet ta bejne kete duke paraqitur nje kerkese zyrtare. Ky ishte qendrimi qe mbajti dje, sekretari i Pergjithshem i PD-se, njekohesisht ministri i Financave, Ritvan Bode, pas debateve te shumta mediatike ne lidhje me kete ceshtje. Sipas Bodes, PD si partia me e madhe ne vend, nuk mund te merret me kerkesa individesh, por i shqyrton kerkesat pasi ato paraqiten ne menyre zyrtare. "Grupi i punes i ngritur per ndryshimin e statutit ne Partine Demokratike, nuk merret me kerkesa te vecanta individesh. Eshte e nevojshme te kuptohet se cdo ndryshim ne platforme duhet te behet ne menyre zyrtare", theksoi Bode, i cili drejton edhe grupin e punes per ndryshimet e statutit. Nisur nga kjo pergjigje per kete kerkese, Bode la te kuptohej se ende ne menyre zyrtare ne PD, nuk kishte ardhur ndonje kerkese per ndarjen e posteve brenda partise me te madhe. Ne kuader te mbajtjes se Kuvendit zgjedhor te PD-se, Bode tha se ne statutin e partise po realizohen ndryshime, per ta bere kete statut te afert me ate te partive te djathta te Evropes. "Ndryshimet ne statutin e Partise Demokratike do te behen duke marre per shembull Partite Popullore Evropiane pjese e te cilave eshte edhe PD", deklaroi Bode. Nderkohe qe ne Partine Demokratike, ka kohe qe ka filluar debati ne lidhje me papajtueshmerine e mandateve. Jane shprehur pro ndarjes se posteve; Paloka, Bumci, pjeserisht Patozi dhe Oketa. Nderkohe qe kunder eshte shprehur Gjana. PD pas kater vjetesh po zhvillon Kuvendin e saj zgjedhor per te bere zgjedhjen e kryetarit te partise dhe anetareve te Keshillit Kombetare. Me pas pritet edhe zgjidhja e sekretariatit te PD-se dhe strukturave te tjera, qe varen nga struktura e kryetarit dhe nga Keshilli Kombetar.

Pro ndarjes se posteve

Aldo Bumci

Astrit Patozi

Edi Paloka

Gazmend Oketa

Kunder ndarjes

Jemin Gjana