Bogdani, perdite merret me Ramen

Partia Demokratike perpiqet te fuse ne sherr te ashtuquajturit grupime brenda Partise Socialiste dhe vete partite aleate. Zedhenesi i Partise Demokratike, Gerti Bogdani, nje dite pas mbledhjes se Asamblese Kombetare te PS-se ne Shkoder, u shpreh se ne kete takim ra ne sy edhe mungesa e grupit te ish-kryetarit te grupit parlamentar socialist, Ben Blushi. Ai per te disaten here u mor me qendrimet dhe veprimtarine e kryetarit te socialisteve, Edi Rama, te cilin e ka "shef" ne pushtetin vendor, meqe eshte kryetar i njesise bashkiake 10. Pa hamendesuar nese mes Bogdanit dhe Rames ka ndonje problem te funksionimit te pushtetit vendor, zedhenesi i PD-se po u permbahet politikave te kryetarit socialist, per te cilat vlereson se nuk jane korrekte. Bogdani tha dje, se "pas dushit te ftohte ne mitingun e Tiranes, ku brohoritjet tejet te pakta dhe te vaketa ishin kryesisht per Ilir Meten, zoti Rama vrapoi ne Shkoder, per t'u veteshpallur kryeminister i qeverise se tij ne hije". Gjithashtu, zedhenesi i PD-se deklaroi se, duke u shprehur kunder fraksioneve ne PS, Rama mohoi edhe gjenezen e vet ne kete parti, "duke vene ne dukje kompleksin e tij si lider apartiak, i cili cirret dhe bertet kunder se majtes dhe se djathtes, te cilat kane qene ne tere historine lokomotiva te zhvillimit ekonomik dhe politik te shoqerive te lira", tha Bogdani. "Ne te vertete, me veteshpalljen kryeminister ne Shkoder, z. Rama nuk beri gje tjeter, vecse leshoi mashtrimin e radhes, pasi ai eshte i vetedijshem se qeveria ne hijen e tij shkrihet si bryma nga rrezet e para te diellit", deklaroi zedhenesi demokrat.