Hartohet oponenca per 13 projektligje

Ilir Saqellari
Partia Socialiste po punon per hartimin e nje plani teresor kunder projektligjeve qe do te priten te paraqiten ne Kuvend nga PD-ja dhe qe do te mbeshteten ne oponence alternative, jo thjesht me kundershtim mbi vendimin e pritshem politik. Ekspertet dhe deputetet po punojne per te kundershtuar dhe njekohesisht per te parashtruar alternativat e PS-se per afro 13 projektligje te mazhorances qe do te shqyrtohen diten e merkure ne Kuvend. Vendimet pritet te merren qe sot ne mbledhjen e grupit te deputeteve. Partia me e madhe e opozites i konsideron ata si nje pakete korruptive, ndersa disa prej tyre si shkaktare te shtimit te varferise ne vend. Sipas socialisteve, korrupsioni vazhdon te perkrahet nga qeveria dhe kjo tregohet edhe nga disa akte normative qe pritet te votohen diten e merkure. Dy aktet normative akordojne fonde per vazhdimin punimeve ne rrugen e shumeperfolur Rreshen-Kalimash dhe per ate Levan-Fier, fonde te cilat nuk mund te shperndahen, sipas PS-se, vetem me akte normative. "Korrupsioni shtohet me aktet normative te qeverise. Si per Rreshen-Kalimash, ashtu edhe per Levan-Fier demonstrohet korrupsion i gjalle. Qeveria duket se nuk ka mendje te shkeputet nga korrupsioni, qe e rendit Shqiperine te 3-en ne bote, madje vazhdon te shtoje hapat korruptive. Nuk mund te alokohen fonde vetem nepermjet nje akti normativ te qeverise, sepse shanset per korrupsion jane te medha", - i tha "Korrierit" anetari i kryesise se PS-se, Alfred Dalipi. Ndonese Dalipi akuzon mazhorancen per lidhje dhe perfitime korruptive, po ne seancen e se merkures parashikohet te votohet per heqjen ose jo te imunitetit te ish-ministrit te Transporteve, Lulzim Basha, qe akuzohet per abuzime ne rrugen Rreshen-Kalimash. Keshilli i Mandateve tashme eshte shprehur per heqjen e imunitetit, por "zhveshja" nga imuniteti per t'u perballur me prokurorine kerkon me tej shumicen e votave ne Kuvend.
Per projektligjet qe do te shqyrtohen ne seance, socialistet pritet te caktojne ne mbledhjen e grupit parlamentar, te pakten 4 deputete qe do te kundershtojne, e vec kesaj,do te paraqesin alternativat e tyre. Ne projektligjin per TVSH-ne, shumica propozon rikthimin ne fuqi te saj, qe shfuqizon ne nje fare menyre ligjin e miratuar nga socialistet ne vitin 2004-er, kur ishin ne pushtet. Ne kete ligj pervec universiteteve private e shkollave, ishin te perjashtuara nga TVSH-ja edhe librat e revistat qe vinin nga importi, OJQ-te per aktivitetet kulturore apo sportive dhe sherbimet mjekesore qe ato kryenin. TVSH-ja e munguar ne keto raste rikthehet ne fuqi. Vendosja e TVSH-se sipas socialisteve, pritet te rrise cmimet qe do te duhet te paguajne nxenesit apo studentet ne subjekte private arsimore e ate te librave. Nje tjeter projektligj parashikon rritjen e akcizes se naftes se prodhuar ne vend. D2-shi qe prodhohet nga ARMO, kryesisht gazoili qe perdoret nga fermeret, do te pesoje rritje. Akciza do te jete 27-37 leke, ndersa me pare ka qene 17-27 leke akciza. Kjo detyrimisht sjell veshtiresi per fermeret dhe cmime me te larta ne treg te produkteve bujqesore. "Eshte nje pakete abuzimesh, ku jane ne loje vetem para. S'behet fjale qe t'i beje dhurate nje pako komunitetit, por perkundrazi, e demton ate akoma me shume. Rritja e akcizes se naftes sigurisht rendon xhepat e fermereve, por edhe konsumatoret, pasi do te vazhdoje rritja e cmimeve ne treg. TVSH-ja e librit po ashtu eshte nje tjeter projektligj, i cili rendon mbi qytetaret", - tha deputeti Alfred Dalipi. Ne seance do te diskutohen edhe 4 nene te Kodit Penal dhe disa elemente financiare te buxhetit te shtetit. saqellari@korrieri.com