Bomba vret 19 persona në Afganistan
Kreu i sigurisë së kësaj krahine, Muhamed Ismail, tha se midis të vdekurve ishin shtatë gra dhe pesë fëmijë.
Ismail tha se të paktën pesë persona të tjerë u plagosën, ndërsa njoftoi se të gjitha viktimat ishin civilë.
Provinca Helmand është një nga zonat më të paqëndrueshme në Afganistan.
Forcat e huaja dhe qeveria afgane kanë nisur operacionet më të mëdha të sigurisë për të pastruar rajonin Helmand nga militantët, por kishin vetëm sukses të përkohshëm.
Në anën tjetër, Kombet e Bashkuara dhe Shtetet e Bashkuara kanë qenë të parat që kanë dënuar vdekjen e rreth 60 njerëzve dhe plagosjen e rreth 160 të tjerëve, në dy shpërthime që kishin vënë në shënjestër shiitët në Afganistan në ditën e shenjtë shiite të Ashures.
Të paktën 55 persona u vranë në shpërthimin në kryeqytetin Kabul, në afërsi të pallatit presidencial.
Sulmi është konsideruar si një nga më vdekjeprurësit kundër civilëve në Kabul, që nga rënia e talebanëve një dekadë më parë.
Të paktën katër persona të tjerë u vranë në një bombë në qytetin verior të Mazar-i-Sharif.
Një grup me bazë në Pakistan, Lashkar e-Jhangvi al-Alami, e ka marrë përgjegjësinë për të dy sulmet. Grupi është përgjegjës për dhjetëra sulme ndaj pakicës shiite në Pakistan.
Ndërsa talebanët afganë kanë mohuar çdo rol në këto sulme.