Bora izolon fshatrat në Skrapar, komunat 7 ditë pa energji elektrike

Reshjet e pandërprera dhe të dendura të shiut dhe borës ditët e fundit kanë bërë që shumë prej fshatrave të rrethit të Skraparit të izolohen brenda kufijve të tyre territorial, ndërkohë që situata bëhet dhe më e vështirë në kushtet ku banorët janë pa energji elektrike që prej shtatë ditësh. Tri prej komunave të këtij rrethi Gjerbësi, Zhepa dhe Vëndresha janë thuajse tërësisht të bllokuar nga dëbora, çka është shkak që shumë shtylla të tensionit të

 lartë të dëmtohen duke lënë në errësirë dhjetëra banesa dhe qindra banorë. Më e vështirë situata paraqitet në komunat Gjerbës dhe Zhepë, ku lartësia e dëborës ka kaluar më shumë se një metër trashësi dhe shumë shtylla të tensionit të lartë në Qafën e Dërvris, kanë pësuar defekte serioze duke lënë banorët në errësirë të plotë. Kryetari i komunës Gjerbës Dilaver Zyko tha nëpërmjet telefonit për gazetën se veç bllokimit nga reshjet e dëborës banorët e 23 fshatrat të komunës Gjerbës e Zhep, po vuajnë mungesën e energjisë eklektike që prej më shumë se 7 ditë, ndërkohë që e njëjta situate paraqitet dhe në komunat Vëndreshë e Zhepë, poton e etj. Kreu i komunës thotë se shtatë ditë më parë energjia është ndërprerë nga fshatrat e këtyre komunave dhe çdo përpjekje për riparimin e dëmeve ka rezultuar e kotë, pasi trashësia e borës ka shkuar në një metër dhe nuk mundëson lëvizjen e teknike të korporatës energjetike. Zyko thotë se ka njoftuar që prej disa ditësh Filialin e Shpërndarjes së Energjisë në qytetin e Çorovodës, por ende nuk po merret asnjë masë për rregullimin e defekteve, pasi në radhë të parë është mungesa e një mjet borëpastrues për hapjen e rrugëve. Sipas tij banorët po kalojnë ditë vërtetë të vështira, ku veç të ftohtit, bllokimit nga bora rëndon dhe mungesa e energjisë eklektike në të gjithë fshatrat e tre komunave dhe më të populluarat në këtë zonë malore.

A. Shehu