Bora "pushton" 12 komuna

Redinalda Caushaj
Temperaturat e uleta dhe bora e rene ne ditet e para te vitit 2008 ne veri dhe jug te vendit, ka cuar ne bllokimin e shume prej akseve nacionale, urbane dhe ato rurale. Reshjet e bores kane izoluar fshatrat e 12 komunave ne veri dhe verilindje te vendit, ndersa veshtiresi qarkullimi ka pasur edhe ne zonen e Pogradecit e Korces. Drejtori i Emergjencave ne Ministrine e Brendshme e Pushtetit Vendor, Alfred Olli, tha dje se lartesia e debores se rene varion nga 10 deri ne 30 cm, ndersa shefi i sigurise rrugore ne Policine e Shtetit, Shkelzen Aliaj, deklaroi se policia e qarkullimit ka zbarkuar ne akset problematike per te marre masat e orientuar drejtuesit e mjeteve ne perdorimin e zinxhireve. Deri dje ka pasur veshtiresi ne 12 akse nacionale, ku nuk kane munguar aksidentet e renda dhe te lehta ne akset Lezhe-Shkoder.
Ministria e Brendshme deklaroi dje se ka marre nen kontroll situaten e krijuar nga bllokimi i rrugeve. Ndersa per t'u ardhur ne ndihme banoreve te zonave te thella ne veri te vendit, si ne Diber, Shkoder, Tropoje, Has e Kukes, jane perdorur edhe helikoptere per te shperndare ushqime e medikamente. "Situatat emergjente qe mund te krijohen jane ne vemendjen e ministrise per marrjen e masave te nevojshme ajrore e tokesore", tha Alfred Olli, dje, ne nje komunikim per mediat. Drejtori i Pergjithshem i Emergjencave Civile siguroi monitorimin e te gjitha akseve dhe minimizimin sadopak te ngjarjeve kriminale, apo aksidenteve rrugore.
"Jemi gati edhe per nderhyrje te menjehershme e operacione ne kerkim te shpetimit nga toka, por edhe nga ajri, materialisht dhe financiarisht per individet ne nevoje", tha Olli dje. Nderkohe qe, mesohet se eshte bere i mundur edhe dislokimi i materialeve te nevojshme dhe mallrave ushqimore te zonave qe ndodhen ne veshtiresi, si dhe shperndarja e tyre te banoret ne nevoje. Por situata e krijuar ka sjelle edhe veshtiresi per te dhene ndihmen spitalore ne keto zona te bllokuara. Me ane te helikoptereve eshte bere e mundur qe te furnizohen me medikamente institucionet spitalore dhe qendrat shendetesore.
Akset nacionale:
Peshkopi-Skurraj
Qafe Bualli-Klos
Qafa e Ulzes, Diber
Kukes-Krume-B. Curri
Kukes-Shishtavec
Kukes-Draj
Rec, ne Kukes
Zona e Qaf-Malit
Qaf Mali-Fierze, aksi ne drejtim te Iballes
Vermosh-Shkoder
Korce-Dardhe
Korce-Voskopoje

Akset rurale:
Mide - Qafe-Krrabe
Akset rurale qe lidhen me fundin e segmentit nacional ne Vermosh
Akset drejte komunave Zapod, Arren, Gryk-Caj, Kalis, ne disa fshatra te komunes Topojan (Turaj),
Fshatrat Borje, Cernavele dhe Oreshke te komunes Shishtavec
Terdrinje te komunes Ujmisht
Tershere te komunes Bicaj
Puk te komunes Surroj
Cam, Piste dhe Spas te komunes Malzi
Disa fshatra te thella te bashkise Has, si Mujaj, Dajc dhe Cahan
Fshati Kishaj i komunes Gjinaj
Pusi i Thate dhe Progaj, Curraj i Eperm dhe i Poshtem te komunes Lekbibaj
Valbone, Rragam e Cerem, te komunes Margegaj
Padesh, Perbat, te komunes Tropoje
Akset e komunes Xiber, segmenti nga Zall Dardha deri ne Rec

Keshillat e rrugoreve per akset nacionale
Akset kryesore nacionale, qe pershkojne territoret ku kane rene reshje debore, sipas policise rrugore jane te kalueshem, por ne disa raste jane udhezuar drejtuesit e mjeteve te perdorin zinxhiret per parandalimin e aksidenteve. Akset me problematike dhe te rrezikshme kane qene ato ne zonen e Dibres, si Skurraj, Qafe-Buall e Ulez. Po keshtu ne Kukes, Krume e Tropoje, deri ne zonen e Qafe Malit dhe Fierzes. Ne zonen e Shkodres specialistet e qarkullimit kane konstatuar veshtiresi ne aksin qe te con per ne Vermosh, kurse ne Korce zona e Voskopojes e Dardhes kane vene ne veshtiresi drejtuesit e mjeteve. Per te parandaluar incidentet e aksidentet, jane vene ne levizje mjetet e kontraktuara nga Drejtoria e Pergjithshme e Mirembajtjes se Rrugeve, per trajtimin me kripe e skorie.
Rruget rurale, veshtiresi zhbllokimi
Akset rurale mund te konsiderohen jashte funksionit ne zonat ku ka rene bore me trashesi mbi 30 cm. Pozicioni gjeografik dhe gjatesite e tyre kane bere te veshtire nderhyrjen e emergjencave civile, ndersa mbi 20 fshatra jane te mbuluar teresisht nga reshjet e bores. Te bllokuar konsiderohen akset Mide-Qafe Krrabe, akset rurale qe lidhen me fundin e segmentit nacional ne Vermosh, apo te komunave Zapod, Arren, Gryk-Caj, Kalis, Topojan, Shishtavec, Ujmisht, Bicaj, Surroj, Malzi. Disa zona ne bashkine e Hasit, komuna Gjinaj, Lekbibaj, Margegaj etj. Edhe zona e Dibres ka pasur probleme qe nuk jane zgjidhur dot nga administrata e emergjencave civile e qarkullimi rrugor.