Dy aksidente, nje i vdekur
Regjistrohen rastet e para te aksidenteve per kete vit ne Qarkun e Elbasanit. Sipas te dhenave te policise rrugore gjate tri diteve te para te vitit 2008 kane ndodhur disa aksidente, por vetem dy prej tyre kane qene te rende me pasoje nje te vdekur dhe nje te plagosur. Ne aksin rrugor Elbasan-Peqin ka gjetur vdekjen shtetasi Theodhor Besho, 60 vjec, me banim ne lagjen nr. 16 ne Durres. Ai ishte duke udhetuar me motor, kur u perplas ne ane te rruges ne afersi te tuneleve ne fshatin Paper. Edhe pse u transportua per ne spital, 60-vjecari ka humbur jeten. Edhe ne aksin rrugor Librazhd-Perrenjas eshte regjistruar nje aksident i rende. Policia arrestoi shtetasin Andrea Moro, 31 vjec, me banim ne Sheqeras te Korces, pasi duke drejtuar automjetin tip "Ford", me targe greke MLU 285, ne vendin e quajtur kthesat e Perrenjasit ka aksidentuar rende shtetasin K.O., 46 vjec, i cili ndodhet nen kujdesin e mjekeve ne spital.
F. Salliu