Borchard: Gjermania mbeshtet fuqishem integrimin ne BE
Bashkimi Evropian, do te marre se shpejti ne shqyrtim, kerkesen e Shqiperise per marrjen e statusit te vendit kandidat ne Bashkimin Evropian. Sinjali pozitiv, u dha dje nga Ambasadori gjerman ne vendin tone, Bernd Borchardt. Sipas tij, vendet e Bashkimit Evropian, vendosen qe kerkesen e Shqiperise ta marrin ne shqyrtim pas perfundimit te zgjedhjeve parlamentare te 28 Qershorit dhe pas dhenies se vleresimit te vezhguesve te OSBE/ODIHR per to. Me mbylljen e ketyre proceseve, tashme BE, do te shqyrtoje kerkesen e Shqiperise per te marre statusin e vendit kandidat. "Gjermania mbeshtet energjikisht integrimin e Shqiperise ne Bashkimin Evropian. Se bashku me anetaret e tjere te vendeve te Bashkimit Evropian, jemi shprehur, se kjo duhet te ndodhe pas zgjedhjeve parlamentare dhe paraqitjes se nje vleresimi mbi zgjedhjet nga OSBE/ODIHR", sqaroi Ambasadori Gjerman ne vendin tone. Sipas Borchardt, vleresimi per zgjedhjet ne Shqiperi nga vezhguesit e OSBE/ODIHR, u dha pak dite me pare. Periudhe kjo kur keshilli i fundit i ministrave te jashtem te vendeve te BE, ishte duke zhvilluar punimet. "Tani, ne se bashku me partneret tane te BE-se do te diskutojme mbi raportin e ODIHR-it dhe me pas do te marrin nje vendim lidhur me kerkesen per anetaresim te Shqiperise", reagoi Ambasada Gjermane. Ne reagimin publik, Ambasada Gjermane, nuk ngurroi te deklaroje se mbeshtet integrimin e Shqiperise ne Bashkimin Evropian. "Pranimi i Shqiperise ne BE eshte nje ceshtje e rendesishme strategjike per te dyja vendet tona. Gjermania mbeshtet energjikisht integrimin e Shqiperise ne BE. Keshtu, vitin e kaluar, ne kemi rritur deri ne afro 100 milion euro ndihmen gjermane per Shqiperine per periudhen 2009/10, pothuaj duke e dyfishuar ate", thuhet ne reagimin publik. Sipas Ambasadorit Borchardt, kane qene anetaret e vendeve te Bashkimit Evropian, qe jane shprehur se kerkesa e Shqiperise do te merret ne shqyrtim pas perfundimit te zgjedhjeve parlamentare te 28 Qershorit si dhe dhenies se vleresimit te vezhguesve te OSBE/ODIHR. Pas publikimit te raportit perfundimtar te zgjedhjeve nga vezhguesit e OSBE/ODIHR, tashme vendeve anetare do te diskutojne shume shpejt mbi kete raport per ti hapur rruge me pas pranimit ose jo te kerkeses se Shqiperise, per marrjen e statusit te vendit kandidat ne BE. Prej kohesh, vendi yne ka marre mbeshtetjen e vendeve te BE-se, per shqyrtimin sa me pare te kerkeses te saj. Ministri i Jashtem Italian, Franco Frattini, ka kerkuar vazhdimisht qe kerkesa e Shqiperise per te marre statusin e vendit kandidat, ne Bashkimin Evropian, duhet te shqyrtohet sa me shpejt. Nderkohe qe Shqiperia ka marre mbeshtetjen edhe ne procesin e realizimit te te gjitha kushteve te vena nga BE, per procesin e liberalizimit te vizave me vendet shengen.