Bordi i Transparencës: Ulet çmimi i naftës dhe benzinës, gazi nuk ndryshon

Çmimi i naftës ka pësuar ulje me 2 lekë duke u shitur me 238 lekë/litri. Po ashtu ulje ka pësuar edhe ai i benzinës i cili do të shitet me 218 lekë/litri. Bordi i Transparencës ka lënë të pandryshuar çmimin e gazit i cili do të shitet me 81 lekë/litri.

Çmimet e caktuara nga Bordi do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

“Çmimi i shitjes me pakicë i nënproduktit gazoil i standardit SSH EN 590 të  jetë jo më shumë se 238 lekë/litri, ndërsa i shitjes me shumicë jo më shumë se 226 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 218 lekë/litri,ndërsa i shitjes me shumicë jo më shumë se 206 lekë/litër.

Çmimi i shitjes me pakicë i nënproduktit gaz, të jetë 81  lekë/litër edhe i shitjes me shumicë 69 lekë /litër”, thuhet në njoftim .

/rtsh.al.