Borxhi i jashtem, qeveria miraton rregullat e tenderit

Qeveria ka miratuar nje procedura te vecante mbi te cilen do te zhvillohet tenderet per te marre borxh dhe hua ne tregun e jashtem. Marrja e borxhit me tender, e aplikuar nga Ministria e Financave dy vitet e fundit tashme do te zhvillohet sipas nje kuadri ligjor te posacem. Keshtu gjate tenderit per borxhin titullari nxjerr urdhrin, ne te cilin duhet te percaktohen, detyrimisht, sherbimi financiar, objekt i kesaj procedure, lista e institucioneve financiare pjesemarrese, qe do te ofrojne sherbimin e kerkuar, e cila do te percaktohet nga komisioni i hartimit te dokumenteve dhe emrat e anetareve te komisionit te hartimit te dokumenteve e te komisionit te vleresimit te ofertave. Me pas komisioni i hartimit te dokumenteve, brenda 5 diteve nga data e nxjerrjes se urdhrit, pergatit ftesen per oferte, te cilen e dergon ne adresat perkatese. Ne ftese percaktohet institucioni, qe kryen proceduren per sherbimin, sherbimi financiar, qe kerkohet te realizohet, kushtet e vecanta te kerkuara, data, ora dhe vendi i paraqitjes se ofertes. Dokumentacioni i paraqitur nga subjektet e interesuara ruhet dhe nuk hapet nga komisioni i vleresimit te ofertave deri ne daten dhe oren e caktuar ne ftesen per oferte.
Me pas komisioni i vleresimit te ofertave, ne marrjen e vendimit perfundimtar per perzgjedhjen e subjektit, bazohet, respektivisht, ne plotesimin e kritereve te pergjithshme dhe teknike, cilesine e sherbimit, cmimin me te ulet per sherbimin e ofruar.