Brace: Korrupsion ne sektorin e puneve publike
Partia Socialiste u shpreh dje e shqetesuar per korrupsionin e ngritur ne sektorin e puneve publike. Nje qendrim i tille erdhi dje nga nenkryetari i Grupit kuvendor te Partise Socialiste, Erion Brace. "Shpreh shqetesimin konstant per praktikat korruptive, sunduese thuajse ne cdo procedure prokurimi publik e me pas te ndertimit te veprave madhore, ne te gjithe territorin e vendit. Vecanerisht investimet publike ne infrastrukturen rrugore", vleresoi Brace, gjate nje komunikimi me mediat. Nderkohe, deputeti socialist u perqendrua vecanerisht ne segmente te tilla te rendesishme si Levan-Vlore, Levan-Dames, Dames-Tepelene, by-pasin e Fierit, terminalin e pasagjereve ne Portin e Durresit, si edhe nje sere aksesh te tjera rrugore te financuara nga burime te brendshme te Buxhetit te Shtetit. "Keto procedura prokurimi, po popullohen nga kompani me probleme te renda me ligjin, te cilat jane nen hetim per akuza shume te renda me kontraktuesit dhe jane ne pyetje te kontratave me porositesit, vecanerisht per afatet dhe tejkalimin e vlerave te projekteve te kontraktuar", theksoi Brace. Sipas tij, ky rast ka te beje me kompanine SCTDD Lubjan ose me sakte Slovenie Ceste Teknika dhe per vepren publike te quajtur by-pas i Fierit, me nje vlere totale prej 50 milione eurosh. "Njeheresh kjo kompani njihet si kompani shume e afert me politikanet ne pushtet ne Slloveni. Vecanerisht Ivan Zidar, president i saj, konsiderohet nje njeri me shume influence ne qarqet politike dhe mbase kjo ka detyruar dhe qeverine e Shqiperise dhe Kryeministrin Berisha ta beje klient te saj sa me pare", vijoi Brace me akuzat e tij.
O.Xhilaga