Brace, akuza Veliajt: Mos fol per gjera qe as i di e as nuk i kupton Qamil Xhani

Qendrimet publike te Partise Socialiste ne lidhje me akuzat ndaj mazhorances kane sjelle perplasje mes vete perfaqesuesve te opozites. Deputeti i Partise Socialiste, Erjon Brace, ka kritikuar ashper dje deklaratat e Sekretarit per Emigracionin, Erjon Veliaj, ne lidhje me emigrantet. Ne nje koment ne rrjetin social "Facebook", Brace e keshillon Veliajn qe te mos flase per gjera qe nuk i di dhe nuk i kupton. Sipas tij, shifrat e permendura nga Veliaj ne lidhje me remitancat jane te pasakta dhe jane bere objekt humori ne radhet e mazhorances. Brace argumenton se qendrimet e pasakta te nje perfaqesuesi te PS-se, ne kete rast Sekretarit Veliaj, kthehen ne nje kosto per gjithe opoziten. "A mund t'i thote kush sekretarit ne PS-Erjon Veliaj, se remitancat e emigranteve (dergesat ne te holla) nuk jane me 1 miliard, as dollare e as euro?!", - shprehet Brace. Ai argumenton se kriza qe ka prekur vendet ku jeton shumica e emigranteve shqiptare ka bere qe te ardhurat qe vijne ne Shqiperi te mos jene me ne nivelet e meparshme. "Kriza ka prekur financat e emigranteve ne vendet ku jetojne! Ndryshimi i struktures familjare, kane ngritur familjet e tyre atje ku jetojne, ka prekur remitancat e tyre! Po eshte e vertete se nje prej elementeve te krizes ekonomike ne kete vend eshte edhe renia dramatike e remitancave te emigranteve! Modeli ekonomik qe u zhvillua ne keto 8 vite ne kete vend u mbeshtet fort tek remitancat e emigranteve, pa ju dhene asgje! Domethene, mos fol per gjera qe as i di, e as si kupton, ky eshte mesimi", - shprehet Brace per Sekretarin e PS-se per Emigracionin, Erjon Veliaj. Me tej, Brace u pergjigjet dhe reagimeve nga simpatizantet e PS-se, te cilet shprehen se debatet ne seline roze nuk jane pozitive. "Une s'i them dot gabimit parfum! Mediat e Berishes po tallen me gafat e perditshme dhe e bejne kete sa kohe qe kurrkush nuk ben opozite me Berishen!", - shprehet Brace ne komentin e tij per ceshtje. Me tej, replika e Braces behet edhe me e ashper, duke theksuar se ne rastet kur perfaqesuesit e PS-se e kane gabim kjo gje duhet thene ne publik dhe nuk duhet fshehur. "C'eshte kjo histori qe sapo i thua tjetrit korrigjohu se na ben dem te gjitheve, dilni ju e thoni mos i fol se po e ben me balte? Po c'eshte kjo pune qe keni zene te gjithe nje zanat e doni t'i mbyllni gojen kujtdo? Jo mor jo, nuk po bej me balte kend, e nuk do rri pa folur! Ajo qe eshte gabim eshte gabim dhe s'e luan topi. Ky eshte karakteri im", - shprehet Brace ne rrjetin social, duke reaguar ndaj qendrimeve qe kerkojne moszhvillimin e debateve te brendshme ne PS.

Debatet

Marredheniet mes Erjon Brace dhe Erjon Veliajt kane qene te tensionuara qe pas zgjedhjeve te vitit 2009. Edhe pse ne menyre jo publike, shpreh here dy perfaqesuesit e PS-se kane deklaruar ne menyre indirekte, se debatet kane nisur me ndarjen e votove, kur Veliaj garonte per Levizjen G99 ne qarkun e Beratit. Por, debati mori nje tjeter drejtim ne momentin qe Brace nuk u delegua nga Kryesia e PS-se ne Berat, por ne Korce.