Bregu 12 prioritetet test per politiken

Minisrja e Integrimit Majlinda Bregu e ka komentuar pozitivisht rikthimin e opozitës në Parlament, duke e vlerësuar si një pjesë të domosdoshme në proceset integruese e vecanërisht në plotësimin e 12 rekomandimeve.

“Opozita është rikthyer pas një kohe të gjatë joinstitucionalizimi të iniciativave të saj. Abandonimi i Parlamentit ishte një vendim i kreut të opozitës. Unë e shoh si një shenjë të mirë faktin që zoti Rama ndërroi mendje për t’u rikthyer në këtë institucion që e përbuzi për dy vjet dhe që e zëvendësoi me cadra edhe më të paqëndrueshme se cadrat e diktatorit në Libi”, ka deklaruar Bregu.

Zonja Bregu e shikon plotësimin e kriterit politik, një prej 12 rekomandimeve, të lidhur ngushtë me angazhimet e opozitës.

“Në të gjitha iniciativat, si heqja e vizave, apo MSA-ja, detyrimet e qeverisë shqiptare, vetëm kur bëhej fjalë për reforma qeverisëse, janë plotësuar të gjitha. Reformat e tjera s’kanë pasur kontribut. Kontributi i opozitës është i munguar dhe i ndjerë. Nuk ka përgjegjësi as kryeministri, dhe as duhet të gëzojë kreu i një opozite që dicka nuk shkoi mirë për vendin e tij. Por procesi shkoi mirë. Ne kemi 12 rekomandime përpara, që janë një paketë që i ka ardhur Shqipërisë si test për të provuar bashkëpunimin politik. Ligjet që janë më shumë se 16 dhe që kërkojnë 3/5-tat janë bllokuar prej një viti. Rekomandimi tjetër, tërësisht i realizueshëm, është ai i katërt për plotësimin e rekomandimeve të OSBE/ODIHR. Nëse opozita pas 24 muajve ka vendosur të kontribuojë, duhet që këtë iniciativë të mos e stopojë”, është shprehur Bregu.

Pyetjes nëse Shqipëria do ta marrë ftesën për të qenë vend kandidat më 12 tetor, zonja Bregu jep këtë përgjigje:

“Procesi i integrimit nuk mbaron këtë vit dhe as për 2 vjet. Shqipëria ka plotësuar një pjesë të madhe të detyrimeve për në BE. Për të gjitha vendet, që kanë nevojë të binden se nuk do të ketë më dalje nga Parlamenti, ky vendim do të ishte një vendim që mund të merrej. Sot jemi më 7 shtator, në limitet kohore të vendimmarrjes dhe konsultimit me të gjitha vendet anëtare. Pres një raport që të vlerësojë kthimin e opozitës në Parlament dhe që ky kthim të lërë gjurmë në një të ardhme të afërt”, ka nënvizuar Bregu.

Lidhur me publikimet nga Wikileaks të kabllogrameve për Shqipërinë, ministrja e Integrimit deklaron se ato nuk do të kenë ndonjë ndikim negativ për imazhin e Shqipërisë.

“Nuk kam dëgjuar që të kenë ndikuar gjëkundi negativisht, të paktën në informacionin tim, botimet e Wkileaks, as për vendet fqinje edhe as për debatet në të cilat janë përfshirë. Për mua një gjë është kjo rrjedhje informacioni dhe një gjë tjetër qëndrimi i shtetit të cilit i është vjedhur informacioni, që është dhe partneri ynë më i rëndësishëm”, ka shtuar Bregu.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga politika Olldashi: Akuzat, shpifje ndaj meje
Ministri i Transporteve, Sokol Olldashi ka hedhur poshtë duke i cilësuar si të pavërteta akuzat se ka krijuar monopol me linjat ndërkombëtare të internetit. Kriza, shefat e diplomacive në Tiranë
Javën e ardhshme pritet të mbërrijnë në Tiranë shefi i diplomacisë italiane, Franco Frattini dhe homologu i tij grek, Stavros Lambrinidis, në një mision të përbashkët që synon nxitjen e procesit të integrimit europian të Shqipërisë. "Gërdeci", shtyhet sërish seanca
Seanca e radhës ndaj të pandehurve të tragjedisë së Gërdecit u shty per shkak të mungeses se avokatëve, një ndër arsyet më të zakonshme të zvarritjes së këtij procesi. Reforma administrative territoriale, sa më shpejt, aq më mirë
Kujtim Morina - Nevoja e bërjes sa më shpejt e reformës të rindarjes administrative territoriale po diskutohet gjithnjë e më shumë kohët e fundit dhe shumë përfaqësues të partive politike dhe deputetë janë shprehur në mbështetje të kësaj reforme “Wikileaks", po afron vjeshta
Artan Mullaj - Sot është epshndjellëse të imagjinosh si ndihet Kryeministri i vendit pas publikimeve të “Wikileaks”. Përdora frazën “epshndjellëse”, për të lënë të supozuar një shkallë ekstreme të kureshtjes publike për prapaskenat në politikën shqiptare, por në këtë rast, fraza më e saktë do të ishte “e pamundur”

Lajmet kryesore

Kriza, shefat e diplomacive në Tiranë
Javën e ardhshme vijnë Frattini dhe Lambrinidis
Wikileaks: Tadic-Thaci, takime sekrete
Shqiptarët, diskriminim me pensionet
Arvizu: Askush nuk është mbi ligjin