Bregu: Cilesia e jetes eshte rritur
Renditja e Shqiperise ne vendet e para te listes boterore per cilesine e jetes ka sjelle dhe vleresimin e qeverise shqiptare, e cila e ka pershendetur nje vleresim te tille, qe per te nuk eshte vleresimi i vetem per qeverisjen e djathte. Reagimi i menjehershem i zedheneses se qeverise dhe njeheresh ministre e Integrimit Evropian, Majlinda Bregu, ka ardhur pikerisht pas renditjes pozitive te Shqiperise per cilesine e jetes. "Shqiperia renditet vendi i 66-te, nder 194 vendet e botes, per cilesine e jeteses. Krahasuar me 2008-en, kur listohej ne vendin e 75-te, sot Shqiperia ngjitet 9 vende me lart", deklaroi Bregu, teksa ka shpjeguar edhe arsyet e kesaj ngjitjeje te forte. Sipas saj, indeksi i cilesise se jeteses, botuar ne revisten ekonomike "Cilesia e Jetes" qe perfshin te gjithe faktoret qe ndikojne ne rritjen e cilesise se jetes ne vend, sic jane, kostoja e jeteses, taksat, mjedisi, shendeti, infrastruktura, kultura e argetimit, klima e pershtatshme per fillimin dhe mbarevajtjen e nje biznesi, siguria etj, konfirmon edhe nje here nje rezultat qe ndryshon pozitivisht nga viti ne vit, i bazuar ne reformat e ndermarra nga qeveria shqiptare. "Ne kete vleresim Shqiperia le pas vende ne rajon si Maqedonia, qe mban dhe statusin e vendit kandidat per ne BE, Serbia, Bosnja Hercegovina", deklaroi Bregu. Per te, Transparency International, Doing Business, Global Insight, The Economist, PNUD, Banka Boterore si dhe periodike te ndryshem si "Financial Times", "Forbes", "Eall Street Journal", agjencia "Reuters" dhe shume agjensi dhe gazeta te tjera, jane deshmite reale te trendit te ndryshimit te ketij vendi. "Qe nga lufta kunder korrupsionit, klima e biznesit, lufta kunder varferise, reforma fiskale te cilat se bashku kane si qellim te vetem permiresimin e cilesise se jetes", nenvizoi zedhenesja e qeverise, teksa ka bere prezent kete arritje. "Qeveria shqiptare pershendet cdo vleresim objektiv ndaj reformave te ndermarra gjate ketyre viteve, te prekshem se brendshmi, e te konfirmuar nga te gjithe organizmat nderkombetare, e sigurt se tendenca per te nxire dhe mohuar zhvillimin e vendit i perket vetem vetmitareve te vjeter te politikes se re", tha Bregu.