Bregu: Kërkesa për statusin e kandidatit shqyrtohet brenda këtij viti

Qeveria shqiptare pret që brenda këtij viti ministrat e Jashtëm të BE-së të shqyrtojnë kërkesën e Shqipërisë për statusin e vendit kandidat. Sipas ministres së Integrimit, Majlinda Bregu, brenda presidencës suedeze do të realizohet shqyrtimi i kërkesës së Shqipërisë, ndërkohë që e gjithë qeveria po përgatitet për pyetësorin që do të vijë nga Komisioni Europian.
Ndërkaq ministrja e Integrimit, Bregu i ka bërë edhe njëherë opozitës thirrje për t'u kthyer në Kuvend, pasi për shkak të sfidave që ka Shqipëria opozita ka përgjegjësi historike.
Ndërkaq qeveria shqiptare ka vendosur të ndjekë modelin kroat për plotësimin e pyetësorit të Komisionti Europian, dhe për këtë arsye ekspertë që kanë marrë pjesë në negociatat e Kroacise me BE-në po trajnojnë administratën shqiptare.