Breivik bleu në internet materialet e masakrës

Atentatori i sulmit makabër në Norvegji Anders Breivik, materialet me të cilat ka kryer krimin i ka blerë në internet.

E përditshmja “Sunday Telegraph”, shkruan se Anders Behring Breivik, ka blerë në rrjetin e internetit “eBay”, shumë nga materialet që i janë nevojitur për të kryer sulmin në 22 korrik në Utoya e Oslo.

Po ashtu kjo e përditshme shkruan se shumë nga këto materiale ndodheshin në Britaninë e Madhe. Tek rrjeti “Ebay”, Breivik ka blerë përbërës kimikë për krijimin e bombës.