Bresheri me "Kallashnikov" shtepise se kundershtarit

Elbasan- Sulmon me arme banesen e kundershtarit pas sherrit banal, por identifikohet dhe shpallet ne kerkim nga policia. Ngjarja ka ndodhur rreth ores 03:40 te mengjesit te djeshem, ne lagjen "Dyli Haxhire" ne Elbasan. Taulant Beti, 23 vjec, me banim ne lagjen "Vullnetari", dyshohet se ka qelluar me arme ne drejtim te baneses se Gentian M., 28 vjec. Me pas, ai ka braktisur armen dhe automjetin duke u larguar ne drejtim te paditur. Per fat te mire viktima nuk ka pasur, por krismat e "Kallashnikovit" kane shkaktuar panik dhe frike ne lagjen perreth. Banoret kane njoftuar sallen operative, e cila ka nisur drejt vendngjarjes, grupin e gatshem. Nga marrja ne pyetje e familjareve mesohet se asnje prej tyre nuk eshte lenduar, nderkohe qe objektivi i sulmit ka rrefyer se nje dite me pare kishte pasur nje perplasje fizike me te dyshuarin, per motive banale. Ndaj 23-vjecarit jane ngritur akuzat e "tentatives se vrasjes", "prishjes se rendit dhe qetesise publike", si dhe "mbajtjes pa leje te armeve dhe municionit luftarak".

F. S