Inspektimi me helikopter, zbulohen dy parcela

Permet- Monitorimi nga ajri me helikopterin e Ministrise se Brendshme ne Qarkun e Gjirokastres disa dite me pare, jep rezultatet e para. Mengjesin e djeshem, efektivet zbarkuan ne zonen malore te Permetit, fshati Mican, ku gjeten 2 parcela pa pronar, te mbjella me 432 bime narkotike. Gjate ketij operacioni, ne pjesen e poshtme te fshatit ne afersi te lumit Osum, policia evidentoi dy parcelave te hapura rishtas per te kultivuar bime narkotike. "Ne keto parcela ishin te mbjella 432 rrenje bime te dyshuara si kanabis sativa, te cilat varionin nga 1.5 meter, deri ne 3 metra te larta", thane burime zyrtare. Ne parcelen e pare kishte 152 rrenje bime kanabis sativa dhe ne parcelen e dyte 280 rrenje. Ne momentin qe policia ka konstatuar zonen, autori i kultivimit te bimeve narkotike nuk u gjet aty. Sipas burimeve policore, megjithese per disa dite rresht parcelat jane mbajtur nen vezhgim nga sherbime te fshehta te policise, serish autori nuk ka shkuar ne to. Pas hetimeve paraprake u konkludua ne faktin, se i dyshuari eshte banor i nje fshati tjeter prane zones ku u zbuluan te dyja parcelat, por per arsye hetimi nuk u publikua identiteti i tij. Aktualisht i dyshuari eshte shpallur person ne kerkim, nderkohe qe materialet i kaluan Prokurorise se Rrethit Gjyqesor Gjirokaster, per veprime te metejshme per vepren penale te "kultivimit te bimeve narkotike".

B. Kore